કેટલી ખતરનાક છે 'કોરિયન લવર ગેમ', ક્યાં પ્રકારના મળે છે ટાસ્ક ? જાણો બાળકોને કઈ રીતે બચાવવા
થોડા સમય પહેલા એક ગેમ આવી હતી બ્લુ વ્હેલ જેમાં રમતા-રમતા લોકો ટાસ્કમાં પોતાનો જીવ આપવા તૈયાર થઈ જતા હતા. આ ગેમ રમતી વખતે અનેક આત્મહત્યાના કિસ્સાઓ નોંધાયા હતા.
થોડા સમય પહેલા એક ગેમ આવી હતી બ્લુ વ્હેલ જેમાં રમતા-રમતા લોકો ટાસ્કમાં પોતાનો જીવ આપવા તૈયાર થઈ જતા હતા. આ ગેમ રમતી વખતે અનેક આત્મહત્યાના કિસ્સાઓ નોંધાયા હતા. આ જ રીતે, ગાઝિયાબાદમાં બીજી એક ઘટના બની હતી જ્યાં ત્રણ સગીર બહેનો 16 વર્ષની નિશિકા, 14 વર્ષની પ્રાચી અને 12 વર્ષની પાખીએ ઓનલાઈન ટાસ્ક-આધારિત ગેમ 'કોરિયન લવર ગેમ'ની લતના કારણે નવમા માળેથી કૂદીને આત્મહત્યા કરી હતી. પરિવાર અને તેમની આસપાસના લોકો માટે એ સમજવું મુશ્કેલ હતું કે મોબાઇલ ગેમ આટલો ગંભીર ખતરો કેવી રીતે ઉભો કરી શકે છે. ચાલો જાણીએ કે આ ગેમ શું છે અને તેમાં કયા પ્રકારના ટાસ્ક મળે છે.
શું છે 'કોરિયન લવર ગેમ'?
કોરિયન લવર કોઈ સામાન્ય ગેમ નથી, જે માત્ર મનોરંજન માટે બનાવવામાં આવી હોય. તે કોરિયન સંસ્કૃતિથી પ્રેરિત ઓનલાઈન પ્રેમ અથવા રોમેન્ટિક ટાસ્ક-આધારિત ગેમ્સની એક પેટર્ન છે. આ ગેમ્સમાં, યૂઝર્સને એક વર્ચ્યુઅલ પાર્ટનર અથવા પ્રેમી મળે છે જે કોરિયન સ્ટાઈલમાં વાતચીત કરે છે, પ્રેમના સંદેશાઓ મોકલે છે અને ભાવનાત્મક જોડાણ બનાવે છે. K-પોપ અને K-ડ્રામાના ચાહકો આ પ્રકારની ગેમ્સ તરફ ઝડપથી આકર્ષાય છે.
ગેમમાં કેવા પ્રકારના ટાસ્ક આવે છે?
આ પ્રકારના ગેમ્સની શરુઆત એકદમ સરળ રીતે શરૂ થાય છે. પહેલા દિવસે એકદમ સામાન્ય ટાસ્ક મળે છે, જેને યોગ્ય સમય પર ચેટ કરવું, કંઈક લખીને મોકલવું, અથવા તો તમારી દિનચર્ચા શેર કરવી. જેમ જેમ ગેમ આગળ વધે છે ટાસ્ક વધુ વ્યક્તિગત અને માનસિક દબાણ આપનારા બની જાય છે. ખેલાડીને એ પ્રકારનો અનુભવ કરાવવામાં આવે છે કે જો તેઓ આ ટાસ્ક પૂર્ણ નહીં કરે તો તેનો પ્રેમી નારાજ થઈ થશે અથવા સંબંધો તૂટી જશે. આ ભાવનાત્મક દબાવ બાળકોને ઊંડે સુધી બાંધી લે છે અને તેમના માટે ખતરનાક બની જાય છે.
તે ક્યારે અને કેવી રીતે બની જાય છે ખતરનાક ?
રિપોર્ટ્સ સૂચવે છે કે આવી ગેમ્સમાં સૌથી મોટો ભય એ છે કે બાળકો અસલી અને નકલી દુનિયા વચ્ચેનો તફાવત ભૂલી જવા લાગે છે. વર્ચ્યુઅલ સંબંધો તેમને વાસ્તવિક લાગવા લાગે છે. કેટલાક કિસ્સાઓમાં ટાસ્ક એટલા વધી જાય છે કે તેઓ પોતાને નુકસાન પહોંચાડવા જેવા ખતરનાક સંકેતો આપવા લાગે છે. આ પદ્ધતિ જૂની બ્લુ વ્હેલ ગેમ જેવી જ માનવામાં આવે છે, જેમાં અંતિમ તબક્કામાં જીવલેણ ટાસ્ક આપવામાં આવતા હતા. જો કે દરેક કોરિયન-થીમ ગેમ આવી હોય તે જરુરી નથી, પરંતુ કેટલાક પ્લેટફોર્મ આ પેટર્નનો ખોટો ઉપયોગ કરે છે.
બાળકો કેમ જલ્દી ફસાઈ જાય છે ?
બાળકો અને કિશોરનું મગજ ભાવનાત્મક રીતે સંવેદનશીલ હોય છે. જ્યારે કોઈ ગેમ્સ તેમને પ્રેમ, પોતાનાપણું અને ખાસ હોવાનો ભાવ આપે છે, ત્યારે તેઓ તેની સાથે જોડાઈ જાય છે. કોવિડ પછી ઓનલાઈન સમય વધવાને કારણે આ ભય વધુ તીવ્ર બન્યો છે. ગાઝિયાબાદ કેસની તપાસમાં એ પણ બહાર આવ્યું છે કે બહેનો લાંબા સમયથી ગેમિંગની લત હતી અને તમામ કામ સાથે મળીને કરતી હતી.
માતાપિતા અને સમાજ માટે લાલબત્તી સમાન
આ ઘટના એ યાદ અપાવે છે કે બાળકોના મોબાઈલ ફોનના ઉપયોગ પર નજર રાખવી કેટલી મહત્વપૂર્ણ છે. ફક્ત પૂછવું પૂરતું નથી કે બાળક કઈ રમતો રમી રહ્યું છે. ગેમનું કન્ટેન્ટ શું છે અને તે તેમના વર્તનને કેવી રીતે બદલી રહી છે તે સમજવું પણ ખૂબ જ મહત્વપૂર્ણ છે. અચાનક મૌન રેહવું, એકલા રહેવું અને મોબાઈલ ફોનથી અલગ થવામાં અસમર્થતા એ બધા ગંભીર સંકેતો હોઈ શકે છે.
જો બાળકો ઓછું બોલે છે, શાંત રહે છે, અને એકલા રહેવાનું પસંદ કરે છે ખાસ કરીને જો તેઓ મોડી રાત સુધી જાગતા રહે છે અને તમને ખબર વગર ગેમ્સ રમે છે, તો ધ્યાન આપવું મહત્વપૂર્ણ છે. જો તમે જોયું કે તમારું બાળક ગેમ્સનું વ્યસની છે અને તેમનું વર્તન બદલાઈ રહ્યું છે તો તરત જ તેમની સાથે પ્રેમથી વાત કરવાનું શરૂ કરો. તેમને ઠપકો ન આપો કારણ કે બાળકો ડરના કારણે તેઓ જેમાંથી પસાર થઈ રહ્યા છે તે શેર કરતા નથી. તમારા બાળક પર ધ્યાન આપો, તેમને મોબાઇલ ફોન આપો, પરંતુ તેની સાથે સાવચેત રહો.
ટોપ સ્ટોરી
ટ્રેન્ડિંગ સમાચાર
