WhatsApp પર આવી રહ્યું છે જબરદસ્ત ફિચર, ફેમિલી અને ઓફિસ બન્ને માટે યૂઝર કરી શકશે આ કામ.....

આ ફિચર ઓફિસ ગૃપ અને ફેમિલી ગૃપ માટે ઉપયોગી છે, જેમાં તમે દરેકને મહત્વપૂર્ણ મેસેજ પીન કરી શકો છો

તસવીર (સોશ્યલ મીડિયા પરથી....)

WhatsApp Pin Message Feature: ઇન્સ્ટન્ટ મેસેજિંગ એપ વૉટ્સએપ બહુ જલદી પોતાના યૂઝર્સ માટે એક નવું ફિચર લાવી રહી છે, હાલમાં કંપનીએ કેટલાક એવા ખાસ ફિચર્સ પર કામ કરવાનું શરૂ કરી દીધુ છે, જેમાંનું એક છે મેસેજ પિન સેટઅપનું ફિચર. વૉટ્સએપ પોતાના યૂઝર્સને ગ્રુપ અને પર્સનલ ચેટમાં પીન મેસેજ માટે ટાઇમ લિમીટ સેટ કરવાની મંજૂરી આપશે. એટલે કે તમે પીન મેસેજ માટે ટાઇમ લિમીટ પસંદ કરી શકશો, કે તે કેટલો સમય પીન કરેલું રહેશે. અત્યારે આ અપડેટ કેટલાક બીટા ટેસ્ટર્સને આપવામાં આવ્યુ છે, જેના પર કામ ચાલુ છે. આગામી સમયમાં કંપની આ ફિચર દરેક માટે રૉલ આઉટ કરી શકે છે. આ અપડેટ વિશેની માહિતી વૉટ્સએપના ડેવલપ પર નજર રાખનારી વેબસાઇટ Wabetainfo દ્વારા શેર કરવામાં આવી છે. નવા ફિચર અંતર્ગત કંપની યૂઝર્સને મેસેજ પીન કરવા માટે ત્રણ ઓપ્શન આપશે, જેમાં યૂઝર્સ મેસેજને 24 કલાક, 7 દિવસ કે 30 દિવસ સુધી પીન કરી શકશે.

આ ફિચર ઓફિસ ગૃપ અને ફેમિલી ગૃપ માટે ઉપયોગી છે, જેમાં તમે દરેકને મહત્વપૂર્ણ મેસેજ પીન કરી શકો છો. ઉલ્લેખનીય છે કે, કંપની પીન મેસેજ ફિચર પર પણ કામ કરી રહી છે. આ ફેસિલિટી પણ ટૂંક સમયમાં દરેક માટે રૉલઆઉટ કરવામાં આવશે. હાલમાં એપ પર પીન મેસેજની સુવિધા ઉપલબ્ધ નથી.

તાજેતરમાં આ ફિચર લૉન્ચ કરવામાં આવ્યું છે - 
વૉટ્સએપ હાલમાં જ યૂઝર્સ માટે એક નવું ફિચર રિલીઝ કર્યુ છે, જે તેમને અજાણ્યા નંબરો પરથી આવતા કૉલને સાઈલન્સ કરવાનો ઓપ્શન આપે છે. આ ફેસિલિટીને ચાલુ રાખવાથી તમે અજાણ્યા નંબરોથી આવતા કૉલ્સથી પરેશાન થશો નહીં અને કૉલ આપમેળે સાયલન્ટ થઈ જશે. તમે કૉલ લિસ્ટમાં સાયલન્ટ કૉલ્સ જોઈ શકશો. આ ફિચરને ચાલુ કરવા માટે તમારે WhatsApp સેટિંગ્સમાં જવું પડશે.

આ ફિચર્સ પર પણ કામ ચાલી રહ્યું છે - 
WhatsApp યૂઝરનેમ, કૉલ બેક, સ્ક્રીન શેર ફિચર્સ પર પણ કામ કરી રહ્યું છે જે હવે કેટલાક બીટા ટેસ્ટર્સને જોઈ શકાય છે. યૂઝરનેમ ફિચર ખૂબ જ ઉપયોગી સાબિત થશે કારણ કે આનાથી યૂઝર્સની પ્રાઈવસીમાં સુધારો થશે અને તેઓ નંબર વગર પણ અન્ય લોકોને કૉન્ટેક્ટમાં એડ કરી શકશે.