Elon Muskએ લોન્ચ કર્યું XChat, મળશે WhatsApp જેવા અનેક ફીચર્સ
એલન મસ્કે રવિવારે પોસ્ટ કરીને આ ફીચર વિશે માહિતી આપી છે. પોસ્ટમાં લખ્યું છે કે, નવું XChat રોલઆઉટ કરવામાં આવી રહ્યું છે
એલન મસ્કના X પ્લેટફોર્મે XChat નામનું એક નવું મેસેજિંગ ફીચર લોન્ચ કર્યું છે. આ ફીચરની મદદથી તમને એન્ડ-ટુ-એન્ડ ઇનક્રિપ્શન, ઓટો ડિલીટ થયેલા મેસેજ અને કોઈપણ પ્રકારની ફાઇલ્સ સેન્ડ કરવાનો વિકલ્પ મળશે. આ ફીચર હાલમાં બીટા વર્ઝનમાં છે.
એલન મસ્કે રવિવારે પોસ્ટ કરીને આ ફીચર વિશે માહિતી આપી છે. પોસ્ટમાં લખ્યું છે કે, નવું XChat રોલઆઉટ કરવામાં આવી રહ્યું છે, જે ઇનક્રિપ્શન, Vanishing messages અને ફાઇલ સેન્ડ કરવાનો વિકલ્પ આપે છે.
Bitcoin-style ઇનક્રિપ્શનનો ઉપયોગ કરવામાં આવ્યો છે
મસ્કે દાવો કર્યો છે કે XChatમાં બિટકોઈન-સ્ટાઈલ ઇનક્રિપ્શનનો ઉપયોગ કરવામાં આવ્યો છે અને તેને સંપૂર્ણપણે નવા આર્કિટેક્ચર પર તૈયાર કરવામાં આવ્યું છે. મસ્કે બીજી પોસ્ટમાં જણાવ્યું છે કે XChat ની મદદથી યુઝર્સ ઓડિયો અને વિડિયો કોલ પણ કરી શકશે. આ માટે મોબાઈલ નંબર લિંક કરવાની જરૂર નથી.
XChat હાલમાં ટેસ્ટિંગ ફેઝમાં છે
ટેકક્રન્ચના રિપોર્ટ્સ અનુસાર, XChat હાલમાં ટેસ્ટિંગ ફેઝમાં છે અને કેટલાક લોકો પર તેનું ટેસ્ટિંગ પણ ચાલી રહ્યું છે. જોકે, અત્યાર સુધી કંપનીએ તે માહિતી આપી નથી કે તે સામાન્ય લોકો માટે ક્યારે રિલીઝ થશે. X પ્લેટફોર્મે વર્ષ 2023માં એન્ક્રિપ્ટેડ મેસેજિંગ સેવા શરૂ કરી હતી અને તે દરમિયાન આ સેવા મર્યાદિત લોકો માટે શરૂ કરવામાં આવી હતી.
WhatsApp સાથે સ્પર્ધા કરશે
XChat માં ઇન્સ્ટન્ટ મેસેજિંગ એપ્લિકેશન WhatsApp ની અંદર ઉપલબ્ધ બધા ફીચર્સ છે. જોકે, WhatsApp ને મોબાઇલ નંબરથી લોગ ઇન કરવું પડશે. જ્યારે XChat માં મોબાઇલ નંબર કનેક્ટ કરવાની જરૂર રહેશે નહીં.
End To End Encryption શું છે?
End-to-End Encryption એક સિક્યોરિટી સિસ્ટમ છે અને તેનો હેતુ સેન્ડર અને રિસીવર વચ્ચે ડેટા સુરક્ષિત રીતે પહોંચાડવાનો છે. તે દરમિયાન પણ, કોઈ વ્યક્તિ તેને ડીકોડ કરી શકતું નથી.
ઉદાહરણ તરીકે જ્યારે તમે કોઈને સંદેશ મોકલો છો, ત્યારે તે મેસેજ તમારા ડિવાઇસ પર એન્ક્રિપ્ટ થઈ જાય છે. આ પછી તે ઇન્ટરનેટની મદદથી આગળ ટ્રાન્સફર થાય છે. આવી સ્થિતિમાં, મેસેજ રીસીવર સુધી પહોંચતાની સાથે જ ડિક્રિપ્ટ થઈ જાય છે. આ સુવિધા WhatsApp, Signal અને Telegram જેવી મેસેજિંગ એપ્લિકેશનોમાં ઉપલબ્ધ છે.
ટોપ સ્ટોરી
ટ્રેન્ડિંગ સમાચાર
