ઇન્સ્ટાગ્રામે ક્રિએટર્સને આપી ભેટ!, હવે અપલોડ કરી શકશો ત્રણ મિનિટ સુધીની Reels

Reels on Instagram: ઉપરાંત કંપની હવે યુઝરના પ્રોફાઇલ ગ્રીડમાં પણ ફેરફાર કરવા જઈ રહી છે

પ્રતિકાત્મક તસવીર

Source : x

Reels on Instagram:  ઇન્સ્ટાગ્રામે ક્રિએટર્સને એક મોટી ભેટ આપી છે. હવે ક્રિએટર્સ પાસે લાંબી Reels અપલોડ કરવાની સુવિધા પણ હશે. વાસ્તવમાં હવે ઇન્સ્ટાગ્રામ પર 3 મિનિટ સુધીની રીલ્સ અપલોડ કરી શકાય છે. આ ઉપરાંત, કંપની હવે યુઝરના પ્રોફાઇલ ગ્રીડમાં પણ ફેરફાર કરવા જઈ રહી છે. હવે અહીં સ્ક્વેયરના લંબચોરસ બોક્સ દેખાશે. આગામી દિવસોમાં ઇન્સ્ટાગ્રામ મિત્રોની લાઇક કરવામાં આવેલી રિલ્સને એક નવા સેક્શનમાં બતાવવાની યોજના બનાવી રહ્યું છે.

હવે યુઝર્સ લાંબી રીલ્સ અપલોડ કરી શકશે

ઇન્સ્ટાગ્રામના વડા એડમ મોસેરીએ આ નિર્ણયની માહિતી આપતો એક વીડિયો જાહેર કર્યો છે. તેમણે કહ્યું કે હવે તમે ઇન્સ્ટાગ્રામ પર 3 મિનિટ લાંબી રીલ્સ અપલોડ કરી શકશો. અગાઉ ફક્ત 90-સેકન્ડની રીલ્સ અપલોડ થતી હતી કારણ કે ઇન્સ્ટાગ્રામનું ધ્યાન ટૂંકા-વિડીયો પર હતું. તેમણે કહ્યું કે ઘણા ક્રિએટર્સે તેમને ફીડબેક આપ્યો કે 90 સેકન્ડ ખૂબ ટૂંકી છે. તેથી હવે સમયગાળો વધારવામાં આવી રહ્યો છે. તેમને આશા હતી કે આનાથી લોકોને તેમની સ્ટોરી કહેવામાં મદદ મળશે. ઇન્સ્ટાગ્રામ પહેલા યુટ્યુબે પણ તેના શોર્ટ્સ વીડિયોની ડ્યૂરેશનને વધારીને 3 મિનિટ કર્યો હતો.

આ ફેરફાર પ્રોફાઇલ ગ્રીડમાં થશે

હવે ઇન્સ્ટાગ્રામ પર પ્રોફાઇલ ગ્રીડ પર ચોરસને બદલે લંબચોરસ બોક્સમાં કન્ટેન્ટ દેખાશે. મોસેરીએ કહ્યું કે કેટલાક યુઝર્સને સ્ક્વેયર પસંદ છે અને સ્ક્વેયર ફોટો ઇન્સ્ટાગ્રામની હેરિટેજ રહી છે. પરંતુ હાલમાં જે અપલોડ થઈ રહ્યું છે તે મોટાભાગે વર્ટિકલ ઓરિએન્ટેશનમાં છે. તેને ક્રોપ કરવું યોગ્ય નથી. આ ફીચર ધીમે ધીમે યુઝર્સ માટે રોલઆઉટ કરવામાં આવી રહ્યુ છે.

મિત્રોની લાઇક કરેલી રિલ્સ અલગ દેખાશે.

બીજા એક નવા ફીચરમાં ઇન્સ્ટાગ્રામ રીલ્સ ફીડમાં એક નવું ટેબ રજૂ કરવા જઈ રહ્યું છે, જે તેમના મિત્રોએ લાઇક કરેલા અથવા કોમેન્ટ કરેલા વીડિયો બતાવશે. આ કંપનીના જૂના એક્ટિવિટી ફીડ જેવું જ હશે, જેમાં યુઝર્સને એવા વીડિયો બતાવવામાં આવતા હતા જે તેમના મિત્રો દ્વારા લાઇક કરવામાં આવ્યા હતા.