ટૂંક સમયમાં જ મળશે પોતાનું 3D AI અવતાર, આ એપથી મળશે તગડું ફીચર
How To Create 3D AI Avatar:ચેટજીપીટી સહિત અન્ય ચેટબોટ્સ સાથે સ્પર્ધા કરવા માટે, ગૂગલ જેમિનીમાં નવી સુવિધાઓ લોન્ચ કરી રહ્યું છે, જેમાં 3D AI અવતાર અને ચેટ ઇંમ્પોર્ટ વિકલ્પોનો સમાવેશ થાય છે.
How To Create 3D AI Avatar: ChatGPT and Claudeથી વધતી જતી સ્પર્ધાનો સામનો કરવા માટે, ગૂગલ તેના જેમિની ચેટબોટમાં ઘણા ફેરફારો કરી રહ્યું છે. ઘણા અહેવાલો અનુસાર, કંપની ચેટજીપીટીમાંથી ચેટ્સ ઇંમ્પોર્ટ કરવાનો અને કામચલાઉ ચેટ્સનો વિકલ્પ આપશે. હવે, એક નવા અહેવાલમાં સૂચવવામાં આવ્યું છે કે, જેમિનીમાં એક નવી AI સુવિધા પણ ઉમેરવામાં આવી રહી છે, જેની મદદથી યુઝર્સને તેમનો પોતાનો 3D AI Avatar તૈયાર કરી શકશે.
3D AI અવતાર ફીચર પર કામ ચાલી રહ્યું છે
માહિતી અનુસાર, આ ફીચરનું નામ 'Avatar' રાખવામાં આવશે અને હાલમાં તેના પર કામ ચાલી રહ્યું છે. આ ફીચર હજી શરૂઆતના તબક્કામાં છે અને હજુ સુધી તેને બેટા ટેસ્ટર્સ માટે પણ ઉપલબ્ધ બનાવવામાં આવ્યું નથી.આ માટે જેમિનીમાં એક ઇન્ટ્રોડક્શન પેજ, ફીચરનું વર્ણન અને અવતાર બનાવવાના સ્ટેપ-બાય-સ્ટેપ માર્ગદર્શિકા આપવામાં આવશે.
આ ફીચર કેવી રીતે કામ કરશે
રિપોર્ટ મુજબ, જેમિનીનું નવું અવતાર ફીચર યૂઝર્સને ઝડપી કન્ટેન્ટ બનાવવામાં મદદ કરશે. યૂઝર્સ પ્રોમ્પ્ટમાં '@me' કમાન્ડ આપીને કોઈપણ AI જનરેટેડ ફોટામાં પોતાને એડ કરી શકશે. તેથી પર્સનલાઈઝ્ડ AI કન્ટેન્ટ બનાવતી વખતે તેમને દર વખતે પોતાની ફોટો અપલોડ કરવાની જરૂર નહીં રહે. જોકે, હજી સુધી આ માહિતી મળી નથી કે Google Veo જેવા વીડિયો મોડલમાં આ ફીચર મળશે કે નહીં.
બીજા ચેટબોટમાંથી ચેટ ઇમ્પોર્ટ કરવાનો વિકલ્પ પણ મળશે
જેમ કે ઉપર જણાવાયું છે, જેમિનીમાં બીજા AI ચેટબોટમાંથી ચેટ્સ ઇમ્પોર્ટ કરવાની સુવિધા મળશે. આ ફીચર બે ભાગમાં કામ કરશે. પહેલા ભાગમાં, બીજા AI ચેટબોટમાં એક પ્રોમ્પ્ટ જનરેટ કરવો પડશે, જે નામ, યૂઝર પ્રેફરન્સ અને કોન્ટેક્સ્ચ્યુઅલ વિગતો કાઢશે. પછી આ માહિતી જેમિનીમાં પેસ્ટ કરવી પડશે, જેથી આ ચેટબોટ યૂઝરની વિગતો સમજી શકે. આથી યૂઝર્સને જેમિનીમાં સંપૂર્ણ નવી શરૂઆત કરવી નહીં પડે
ટોપ સ્ટોરી
ટ્રેન્ડિંગ સમાચાર
