PM મોદી દુનિયામાં સૌથી વધુ ‘ફેક ફોલોઅર્સ’ ધરાવતા નેતા!, ડિજિટલ એજન્સીનો દાવો

ટ્વિપ્લોમેસી એ ટ્વિટમાં કહ્યું કે, દુનિયામાં કેટલાક સૌથી વધુ ફોલો કરવામાં આવતા વર્લ્ડ લીડર્સ અને તેને ફોલો કરનારા બોટને ટ્વિટર ઓડિટે ઓળખ્યા છે.

ટ્વિટર ઓડિટ એક ઓનલાઈન પ્લેટફોર્મ છે જે નકલી ટ્વિટ અકાઉન્ટ ઓળખવાનો દાવો કરે છે. જો કે ટ્વિટર ઓડિટની આ રિપોર્ટ પર ટ્વિટર તરફથી કોઈ નિવેદન આપવામાં આવ્યું નથી

ટ્વિપ્લોમેસી આંકડામાં સૌથી ઉપર અમેરીકી રાષ્ટ્રપતિ ડોનાલ્ડ ટ્રંપ છે. ટ્રંપના 4 કરોડ 79 લાખ ફોલોઅર છે. જ્યારે પીએમ મોદીના ટ્વિટર ફોલોઅર 4 કરોડ 10 લાખથી વધુ છે. જેમાં 60 ટકા ફેક ફોલોઅર્સ છે. રિપોર્ટ પ્રમાણે ટ્રંપના 37 ટકાથી વધુ ફોલોઅર્સ નકલી છે. આ આંકડા ટ્વિટઓડિટ નામની એજન્સી દ્વારા કલેક્ટ કરવામાં આવ્યાં છે. મેક્સિકોના રાષ્ટ્રપતિ પેના નિએટોના પણ 47 ટકા ફોલોઅર્સ ફેક છે.

રિપોર્ટ પ્રમાણે પીએમ મોદી બાદ નકલી ફોલોઅર્સની સંખ્યા પોપ ફ્રાંસિસની વધારે છે. ટ્વિટર પર પોપ ફ્રાંસિસના 1 કરોડ 67 લાખ ફોલોઅર છે, પરંતુ રિપોર્ટમાં કહેવામાં આવ્યું છે કે આ ફોલોઅરમાંથી લગભગ 59 ટકા ફેક છે.

નવી દિલ્લી: અત્યાર સુધી તમે સમાચારો વાંચ્યા હશે કે પીએમ મોદી દુનિયામાં સૌથી વધુ ફોલોઅર્સ ધરાવતા નેતાઓમાંનાં એક નેતા છે. પરંતુ ડિજિટલ એજન્સી ટ્વિપ્લોમેસીએ ટ્વીટર ઓડિટે એક રિપોર્ટ જાહેર કર્યો છે. આ રિપોર્ટ પ્રમાણે વડાપ્રધાન મોદી દુનિયામાં સૌથી વધુ ફેક ફોલોઅર્સ ધરાવતા નેતા બની ગયા છે. પીએમ મોદીના 60 ટકાથી વધુ ટ્વિટર ફોલોઅર નકલી છે.