વડોદરાઃ યુવતીને બેભાન કરી ફેસબૂક ફ્રેન્ડે માણ્યું સેક્સ ને ઉતારી લીધી વીડિયો, બીજું શું કર્યું?

વડોદરાઃ શહેરની પરિણીત યુવતીને ફેસબૂક પર અજાણ્યા યુવક સાથે મિત્રતા કરવી ભારે પડી ગઈ છે. ફેસબૂક ફ્રેન્ડે યુવતીના ઘરે જઈ બેભાન કરી યુવકે સેક્સ માણ્યું હતું અને યુવતીનો નગ્ન વીડિયો ઉતારી લીધો હતો. આ પછી યુવકે બ્લેકમેલ કરવાનું શરૂ કરતાં યુવતી મુશ્કેલીમાં મુકાઈ હતી.

આ પછી વીડિયો વાયરલ કરવાની ધમકી આપી પૈસા પડાવવાનું શરૂ કર્યું હતું અને વારંવાર બળાત્કાર પણ ગુજારતો હતો. દરમિયાન મિતેશે પાંચ લાખ રૂપિયા જેટલી માતબર રકમ પડાવી લીધી હતી. આ બાબતની ફરિયાદ બાદ તાલુકા પોલીસે ફરાર થઇ ગયેલા મિતેશ ઠક્કર સામે તાલુકા પોલીસ સ્ટેશનમાં ફરિયાદ નોંધાવતા પોલીસે તેની ધરપકડ કરવાના ચક્રો ગતિમાન કર્યા છે.

નવેમ્બર-૨૦૧૫માં બપોરના સમયે ઘરે કોઈ નહોતુ ત્યારે મિતેશ ઘેર આવ્યો હતો અને માતાજીનો પ્રસાદ લાવ્યો છું તેમ કહી પેંડો ખવડાવ્યો હતો. થોડા સમયમાં પરિણીતા અર્ધબેભાન થઇ ગયા બાદ ઉંચકીને બેડરૂમમાં લઇ જઇ નગ્ન હાલતનો વિડીયો ઉતારી બળાત્કાર ગુજાર્યો હતો.

ફેસબૂક પર મિત્રતા થયા પછી બંનેએ નંબરની આપલે કરી હતી. આ પછી મિતેશ વોટ્સએપ પર મેસેજ કરતો હતો અને તેણે પરિણિતાના ઘેર અવરજવર પણ શરૂ કરી હતી. થોડા દિવસો બાદ મિતેશે માતા બીમાર છે તેમ કહી તેમજ પેન્ટ બોલનો ભાગીદારીમાં ધંધો કરવા માટે ત્રણ લાખ સીત્તેર હજાર લીધા હતાં.

ફરિયાદ થતાં એમ્બ્યુલન્સ ભાડેથી આપતા તેમજ માર્કેટીંગનું કામ કરતો યુવક ભાગી ગયો છે. વાસણા-ભાયલી રોડ પર રહેતી પરિણિતાએ રાવપુરા રોડ પરની ઉષાકિરણ બિલ્ડીંગમાં રહેતા મિતેશ ઉમેશ ઠક્કર સામે નોંધાવેલી ફરિયાદમાં જણાવ્યુ છે કે વર્ષ-૨૦૧૪માં મિતેશ સાથે ફેશબુક પર ઓળખાણ થઇ હતી.

ફેશબુક પર મિત્રતા થયા પછી યુવક યુવતીના ઘરે અવર-જવર કરતો થઈ ગયો હતો. દરમિયાન એક દિવસ યુવકે પરિણિતાને ઘેનયુક્ત પેંડા ખવડાવી બળાત્કાર ગુજારી તેનો વિડીયો ઉતારી વારંવાર બ્લેકમેલ કરી પાંચ લાખ રૂપિયા પડાવી લીધા હતા. જોકે, પરિણિતાએ યુવાન સામે બળાત્કાર, બ્લેકમેઇલ કરવું તેમજ આઇટી એક્ટ મુજબની ફરિયાદ નોંધાવતા પોલીસે યુવકની શોધખોળ શરૂ કરી છે.