Alpesh Thakor:ભાજપની 24 કલાક વીજળી આપવાની વાતનું થયું LIVE સુરસુરિયું,ચાલુ ભાષણે માઈક થઈ ગ્યું બંધ
બનાસકાંઠામાં વાવ વિધાનસભાની પેટા ચૂંટણીને હવે ગણતરીના દિવસો બાકી છે. ત્યારે શિયાળાની શરૂઆતમાં રાજકીય સભાઓએ બનાસકાંઠાના રાજકારણમાં ગરમાવો લાવી દીધો છે. કોંગ્રેસ-ભાજપ સભાઓ સંબોધી મતદારોને આકર્ષવાનો પ્રયાસ કરી રહ્યા છે. આજે ગુરુવારે ભાજપ નેતા અલ્પેશ ઠાકોરે પણ બનાસકાંઠાના વાવમાં એક સભા સંબોધી મતદારોની રીઝવવાનો પ્રયાસ કર્યો. પરંતુ સભામાં તેમનો અને તેમની સરકારનો ફિયાસ્કો થઈ ગયો.
અલ્પેશ ઠાકોરે ગુજરાતની ભાજપ સરકારમાં 24 કલાક વીજળી મળતી થઈ હોવા મુદ્દે મસ મોટા બણગા ફૂંકવાનું શરૂ કર્યું. ગામડાઓમાં 24 કલાક વીજળી ભાજપની સરકારમાં મળે છે તેવી વાત કરી અને ચાલુ ભાષણમાં અચાનક વીજળી ગુલ થઈ ગઈ. અલ્પેશ ઠાકોર માઈક પર ટપલી મારતા રહ્યા, તેમને એમ કે માઈક બંધ થઈ ગયું હશે, પણ માઈક બંધ નહોતુ થયું વીજળી જ જતી રહી હતી. જેના કારણે સભામાં હાસ્યનું મોજુ ફરી વળ્યું. આ સમગ્ર ઘટનાનો વીડિયો સોશિયલ મીડિયામાં વાઈરલ થયો છે.
ટોપ સ્ટોરી
ટ્રેન્ડિંગ સમાચાર
