Gujarat Rain Forecast: આગામી 7 દિવસ મધ્યમ વરસાદની આગાહી
Gujarat Rain Forecast: આગામી 7 દિવસ મધ્યમ વરસાદની આગાહી
ગુજરાતમાં એકસાથે ચાર હવામાન સિસ્ટમ સક્રિય હોવા છતાં આગામી સાત દિવસ દરમિયાન સામાન્યથી મધ્યમ વરસાદની આગાહી કરવામાં આવી છે. હાલ રાજ્ય પર મોનસૂન ટ્રફ, સાઇક્લોનિક સર્ક્યુલેશન, વેસ્ટર્ન ડિસ્ટર્બન્સ અને અન્ય એક ટ્રફ સક્રિય છે. તેમ છતાં હવામાન વિભાગે ભારે વરસાદની કોઈ મોટી આગાહી કરી નથી. રાજ્યમાં હાલમાં દક્ષિણ-પશ્ચિમથી પશ્ચિમ દિશાના પવન ફૂંકાઈ રહ્યા છે. અત્યાર સુધી ગુજરાતમાં સરેરાશ 514 મીમી એટલે કે 20.56 ઈંચ વરસાદ નોંધાયો છે. સામાન્ય રીતે આ સમય સુધીમાં 605 મીમી એટલે કે 24.2 ઈંચ વરસાદ થવો જોઈએ. એટલે રાજ્યમાં અત્યાર સુધી સામાન્ય કરતાં આશરે 15 ટકા ઓછો વરસાદ થયો છે. આગામી દિવસોમાં છૂટોછવાયો વરસાદ ચાલુ રહેવાની શક્યતા છે.
















