Morbi News : મોરબીમાં ખાનગી ગરબા ક્લાસિસનો પાટીદાર સમાજે કર્યો વિરોધ

મોરબીમાં ખાનગી ગરબા ક્લાસિસની આડમાં થતી અસામાજિક પ્રવૃત્તિઓ સામે પાટીદાર સમાજ મેદાને ઉતર્યો છે. પાટીદાર અગ્રણી મનોજ પનારાની આગેવાની હેઠળ રાત્રે 8:30 વાગ્યે રવાપર ચોકડી ખાતે એક 'પાટીદાર જનક્રાંતિ સભા'નું આયોજન કરવામાં આવ્યું છે. આ સભામાં સામાજિક અને રાજકીય આગેવાનો ઉપસ્થિત રહીને 'ડિસ્કો દાંડિયા' કલ્ચર અને ગરબા ક્લાસિસના દૂષણનો વિરોધ કરશે. આ સભાનો મુખ્ય હેતુ સમાજમાં સામાજિક જાગૃતિ લાવવાનો અને દીકરીઓને આવા તત્વોથી બચાવવાનો છે. આ સભામાં મનોજ પનારા, અલ્પેશ કથીરિયા અને ગીતા પટેલ જેવા અગ્રણીઓ ઉપસ્થિત રહીને ગરબા ક્લાસિસને કારણે વધેલા 'ડિસ્કો દાંડિયા' કલ્ચર અને અસામાજિક તત્વોના ત્રાસનો વિરોધ કરશે. આ વિરોધનો મુખ્ય ઉદ્દેશ્ય સમાજની દીકરીઓને સુરક્ષા પૂરી પાડવાનો અને પરંપરાગત ગરબાની ગરિમા જાળવવાનો છે.