Gujarat Rain Forecast : ગુજરાતમાં સોમવારથી 3 દિવસ વરસાદની આગાહી

રાજ્યમાં સોમવારથી 3 દિવસ વરસાદની હવામાન વિભાગે કરી આગાહી. 15થી 17 સપ્ટેમ્બર દરમિયાન ઉત્તર ગુજરાત અને દક્ષિણ ગુજરાતના વિવિધ વિસ્તારોમાં વરસાદ વરસી શકે છે. અમદાવાદ, બનાસકાંઠા, અરવલ્લી, ખેડા,આણંદ, વડોદરા, સુરત સહિતના જિલ્લાઓમાં 3 દિવસ દરમિયાન વરસાદી માહોલમાં 30થી 40 કિલોમીટર પ્રતિ કલાકની ઝડપ ઠંડો પવન પણ ફૂંકાશે. ખાસ કરીને દક્ષિણ ગુજરાતના વિવિધ વિસ્તારોમાં હળવા-ભારે ઝાપટાં વરસવાનું અનુમાન છે. શુક્રવારે રાજ્યના 10 તાલુકામાં વરસાદ નોંધાયો હતો. જેમાં અમરેલીના રાજુલામાં સૌથી વધુ 1.54 ઈંચ, વલસાડમાં 1.5 ઈંચ, ખેરગામમાં 1.6 ઈંચ વરસાદ ખાબક્યો હતો. રાજ્યમાં અત્યાર સુધી સિઝનનો 107.6 ટકા વરસાદ ખાબકી ચુક્યો છે. જેમાં કચ્છ ઝોનમાં સૌથી વધુ 135.91 ટકા, ઉત્તર ગુજરાતમાં 118.72 ટકા, મધ્ય ગુજરાતમાં 110.10 ટકા, સૌરાષ્ટ્ર ઝોનમાં 93.36 ટકા, દક્ષિણ ગુજરાતમાં સિઝનનો 110.70 ટકા વરસાદ વરસ્યો છે...