Bengal Phase 1 polls: પશ્ચિમ બંગાળમાં મતદાન સમયે હિંસા

 પશ્ચિમ બંગાળ વિધાનસભા ચૂંટણીમાં મતદાન સમયે મુર્શિદાબાદમાં બબાલ થઈ ગઈ હતી.  તૃણમૂલ કોંગ્રેસમાંથી અલગ થયેલા હુમાયુ કબીર અને ટીએમસી કાર્યકરો વચ્ચે મારામારી થઈ હતી.  ત્યાં તૈનાત સુરક્ષા કર્મચારીઓ સાથે પણ મારપીટ કરવામાં આવી હતી. 

હુમાયુ કબીર વિરુદ્ધ ઉગ્ર સૂત્રોચ્ચાર કરવામાં આવ્યા હતા. ત્યાં તૈનાત સુરક્ષા કર્મચારીઓ પર પણ હુમલો કરવામાં આવ્યો હતો. મુર્શિદાબાદના નૌદામાં ટીએમસી બ્લોક પ્રમુખનો હુમાયુ કબીર સાથે ઝઘડો થયો. ટીએમસી બ્લોક પ્રમુખ અને કબીર વચ્ચે ઉગ્ર બોલાચાલી થઈ હતી. આમ જનતા ઉન્નયન પાર્ટીના ઉમેદવાર કબીરે અગાઉ ટીએમસીમાંથી રાજીનામું આપી દીધું હતું. તેમની સામે "ચોર, ચોર" ના નારા લગાવવામાં આવ્યા હતા.

હુમાયુ કબીરે ટીએમસી પર આરોપ લગાવ્યો હતો કે આ લોકો વાતાવરણને બગાડી રહ્યા છે ત્યારબાદ ટીએમસી સમર્થકોએ સૂત્રોચ્ચાર કર્યા અને વિરોધ કર્યો હતો, પરંતુ સુરક્ષા કર્મચારીઓની હાજરીથી ઝપાઝપી ટળી હતી. ટીએમસી કાર્યકરોએ હુમાયુ કબીરને ભાજપના એજન્ટ ગણાવ્યા છે. રેજિનગર મતવિસ્તારમાંથી ચૂંટણી લડી રહેલા કબીર તેમના મતવિસ્તારના વિવિધ મતદાન મથકોની મુલાકાત લઈ રહ્યા છે, જ્યાં તેમને ટીએમસી સમર્થકોના વિરોધનો સામનો કરવો પડી રહ્યો છે.