Uttarakhand Cloudburst : ઉત્તરકાશીના ધરાલીમાં વાદળ ફાટતા ભારે તબાહી

ઉત્તરાખંડમાં સતત વરસાદ વચ્ચે ખીર ગંગા વિસ્તારમાં વાદળ ફાટવાની એક મોટી ઘટના સામે આવી છે. ઉત્તરકાશીના ધરાલીમાં વાદળ ફાટ્યા બાદ બજાર કાટમાળમાં ફેરવાઈ ગયું.

ઉત્તરાખંડમાં સતત વરસાદ વચ્ચે ખીર ગંગા વિસ્તારમાં વાદળ ફાટવાની એક મોટી ઘટના સામે આવી છે. ઉત્તરકાશીના ધરાલીમાં વાદળ ફાટ્યા બાદ બજાર કાટમાળમાં ફેરવાઈ ગયું. ગંગા ખીણના ખીર ગંગા વિસ્તારમાં પરિસ્થિતિ ખૂબ જ ભયાનક છે અને જિલ્લા વહીવટીતંત્રે રાહત અને બચાવ કાર્ય શરૂ કરી દીધું છે. ઘણા લોકો પાણીમાં તણાઈ ગયા હોવાના અહેવાલો છે. વહીવટીતંત્રે અત્યાર સુધીમાં ચાર લોકોના મોતની પુષ્ટિ કરી છે.  ધરાલી બજાર જોરદાર પ્રવાહ અને કાટમાળની ઝપેટમાં આવી ગયું છે, જેના કારણે આખો વિસ્તાર પૂરગ્રસ્ત બન્યો.