PM Modi French President Joint Press Conference : ભારત-ફ્રાન્સ વચ્ચે રણનીતિક ભાગીદારી , મોદી-મક્રોનની સંયુક્ત પત્રકાર પરીષદ

PM Modi French President Joint Press Conference : ભારત-ફ્રાન્સ વચ્ચે રણનીતિક ભાગીદારી , મોદી-મક્રોનની સંયુક્ત પત્રકાર પરીષદ

Emmanuel Macron India visit 2026: ફ્રાન્સના રાષ્ટ્રપતિ ઇમેન્યુઅલ મેક્રોન અને ભારતના વડાપ્રધાન નરેન્દ્ર મોદી વચ્ચે તાજેતરમાં 17 થી 19 ફેબ્રુઆરી 2026 દરમિયાન મુંબઈ અને નવી દિલ્હી ખાતે અત્યંત મહત્વપૂર્ણ અને ઐતિહાસિક દ્વિપક્ષીય મુલાકાત યોજાઈ ગઈ. બંને દેશો વચ્ચે દાયકાઓ જૂના સંબંધોને વધુ મજબૂત બનાવીને ભવિષ્યની ટેકનોલોજી, સંરક્ષણ અને આર્થિક વિકાસના લક્ષ્યાંકોને સિદ્ધ કરવાના હેતુથી બંને વૈશ્વિક નેતાઓએ કુલ 21 જેટલા મેગા કરારો (MoU) પર હસ્તાક્ષર કર્યા છે. આ મુલાકાતની શરૂઆત મુંબઈમાં એક ઉચ્ચ સ્તરીય દ્વિપક્ષીય બેઠકથી થઈ હતી, જે બાદ બંને નેતાઓએ નવી દિલ્હીમાં આયોજિત 'AI ઇમ્પેક્ટ સમિટ'માં સંયુક્ત રીતે ભાગ લીધો હતો.

આ મુલાકાતની સૌથી મોટી અને ધ્યાન ખેંચનારી જાહેરાત એ છે કે હવે ભારત અને ફ્રાન્સ વચ્ચેના રાજદ્વારી સંબંધોને સત્તાવાર રીતે "વિશેષ વૈશ્વિક વ્યૂહાત્મક ભાગીદારી" (Special Global Strategic Partnership) ના સ્તર પર અપગ્રેડ કરવામાં આવ્યા છે. ભવિષ્યના રોડમેપ 'હોરાઇઝન 2047' ના સુવ્યવસ્થિત અમલીકરણ માટે અને ઉચ્ચ સ્તરીય પ્રોજેક્ટ્સની સમીક્ષા કરવા માટે બંને દેશોના વિદેશ પ્રધાનો વચ્ચે હવેથી વાર્ષિક સંવાદ ફરજિયાતપણે યોજવામાં આવશે.