Pahalgam Terror Attack : પહલગામ હુમલાને લઇને રોબર્ટ વાડ્રાનું વિવાદિત નિવેદન

જમ્મુ અને કાશ્મીરના પહેલગામમાં થયેલા આતંકવાદી હુમલાએ સમગ્ર દેશને સ્તબ્ધ કરી દીધો છે. આ હુમલાની શાસક અને વિપક્ષી પક્ષોના તમામ નેતાઓ દ્વારા આકરી ટીકા કરવામાં આવી છે. આ દરમિયાન, કોંગ્રેસ નેતા પ્રિયંકા ગાંધીના પતિ રોબર્ટ વાડ્રા તરફથી આ મામલે એક નિવેદન આવ્યું છે.

સમાચાર એજન્સી ANI સાથે વાત કરતા રોબર્ટ વાડ્રાએ કહ્યું કે હું આ હુમલામાં જીવ ગુમાવનારા 27 લોકોને શ્રદ્ધાંજલિ અર્પણ કરું છું. તેમણે એક વિવાદાસ્પદ નિવેદન આપતા કહ્યું કે આ હુમલો દેશના વાતાવરણને કારણે થયો છે. ઉદ્યોગપતિ વાડ્રાએ કહ્યું, "મને ખૂબ જ ખરાબ લાગે છે અને આ આતંકવાદી કૃત્યમાં જીવ ગુમાવનારા લોકો પ્રત્યે મારી ઊંડી સંવેદના છે. આપણા દેશમાં, આપણે જોઈએ છીએ કે આ સરકાર હિન્દુત્વ વિશે વાત કરે છે અને લઘુમતીઓ અસહજ અને પરેશાની અનુભવે છે."