Rajkot Rain: રાજકોટમાં વરસાદની ધમાકેદાર એન્ટ્રી, કયા કયા વિસ્તારમાં પડ્યો વરસાદ?

એક મહિનાના વિરામ બાદ રાજકોટ શહેરમાં આજે વરસ્યો સાર્વત્રિક વરસાદ.. ગોંડલ રોડ, ઢેબર રોડ, યાજ્ઞિક રોડ, કાલાવડ રોડ સહિતના વિસ્તારોમાં ધોધમાર વરસાદ વરસ્યો.. ભરબપોરે અંધારપટ વચ્ચે શહેરના તમામ વિસ્તારોમાં ધોધમાર વરસાદ વરસ્યો.. પરંતુ આ જ વરસાદે મહાનગરપાલિકાની પોલ પણ ખોલી નાંખી.. એક કલાકમાં શહેરના સેન્ટ્રલ ઝોનમાં સૌથી વધુ બે ઈંચ, વેસ્ટ ઝોનમાં પોણા બે ઈંચ અને ઈસ્ટ ઝોનમાં દોઢ ઈંચ વરસાદ વરસ્યો.. એક કલાક વરસેલા વરસાદથી રાજકોટના અંડરપાસ પણ વરસાદી પાણીથી જળબંબાકાર થયા.. તો રોડ-રસ્તાઓ પર પણ જળભરાવની સ્થિતિ ઉદભવતા વાહન ચાલકો અને રાહદારીઓને હાલાકી ભોગવવાનો વારો આવ્યો.. પોપટપરા ગરનાળામાં વરસાદી પાણી ભરાતા વાહન વ્યવહાર બંધ કરવાની ફરજ પડી.. છેલ્લા ઘણા વર્ષોથી પોપટપરા ગરનાળામાંથી પાણીના નિકાલની કોઈ વ્યવસ્થા ન હોવાથી દર વર્ષે ચોમાસામાં શહેરીજનોને હાલાકી ભોગવવાનો વારો આવી રહ્યો છે.. તો હેમુગઢવી હોલ પાસેના ગરનાળામાં પણ વરસાદી પાણીનું સામ્રાજ્ય છવાયું.. અન્ય વિસ્તારોના રસ્તાઓ પર પાણી ફરી વળતા અનેક ઠેકાણે વાહનો બંધ પડ્યાના પણ અહેવાલ સામે આવી રહ્યાં છે. .