રાજસ્થાનઃ ગંગાનગરમાં ટ્રેક્ટર સ્પર્ધા દરમિયાન છત તૂટી પડી, 300થી વધુ લોકો ઘાયલ

જયપુરઃ રાજસ્થાનના ગંગાનગરમાં ટ્રેક્ટર સ્પર્ધા દરમિયાન અચાનક છત ધરાશાયી થઇ હતી. કહેવામાં આવી રહ્યું છે કે આ દુર્ઘટનામાં 300થી વધુ લોકો ઇજાગ્રસ્ત થયા છે અને અનેક લોકો માર્યા ગયાની આશંકા છે. ઘાયલોમાં 50 લોકોની હાલત ગંભીર હોવાનું માનવામાં આવી રહ્યું છે. 

રિપોર્ટ અનુસાર, પદમપુરના ધાનમંડીમાં ટ્રેક્ટર સ્પર્ધા ચાલી રહી હતી. આ દરમિયાન હજારોની સંખ્યામાં લોકો એકઠા થયા હતા. આ વચ્ચે અચાનક છત તૂટી જતા ભાગદોડ મચી ગઇ હતી. સ્પર્ધાને મંજૂરી વિના યોજવામાં આવી હતી. ઘટનાને લઇને મુખ્યમંત્રીએ તપાસના આદેશ આપ્યા હતા.