અમેરિકામાં ગુજરાતી પટેલ યુવતી અને યુવક ક્યા કેસમાં ઠર્યાં દોષિત ? શું કરી કબૂલાત ? જાણીને ચોંકી જશો

તેમને વેલ્યુ કાર્ડ અથવા વાયરિંગ મની કરવા કહેવામાં આવતું. આમ કરીને તેઓ લાખો ડોલર ખંખેરી લેતા હતા. પેમેન્ટ મળી ગયા પછી આ ઠગ લોકો તરત જ અમેરિકાના રનરના નેટવર્ક તે પૈસા કાઢી લોન્ડરિંગ કરી લેતા હતા. ભાવેશ અને અસ્મિતાને લાંબી મુદતની સજા થવાની શક્યતા છે.

એરિઝોનાનો ૪૭ વર્ષનો ભાવેશ પટેલ અને ઇલિનોઇસના ૩૪ વર્ષના અસ્મિતા પટેલે ફ્રોડ અને મની લોન્ડરિંગ ગુનાની કબુલાત કરી હતી એમ ન્યાય વિભાગે કહ્યું હતું. તેમની સજાની જાહેરાત પછીથી કરાશે. આ સાથે જ . અત્યાર સુધીમાં કોલ સેન્ટર કૌભાંડમા કુલ ૧૧ લોકોએ ગુનાની કબુલાત કરી હતી.

આ લોકો અમેરિકનોને ધમકી આપતા કે, જો તેઓ સરકારી નાણા નહીં ભરે તો તેમને સજા થશે અને તેમને અમેરિકામાંથી પાછા પણ મોકલી દેવામાં આવે. જે લોકો આવી ધમકીઓને તાબે થઇ જતાં તેમને ક્યાં પૈસા જમા કરાવવા તેની જાણ કરવામાં આવતી અને એ રીતે તેમને ખંખેરવામાં આવતા.

વોશિંગ્ટનઃ ભારતીય સ્થિત કોલ સેન્ટરોમાંથી બનાવટી અમેરિકન અધિકારી તરીકે કોલ કરીને બની કરોડો ડોલર ખંખેરવાના કૌભાંડમાં અમેરિકામાં એક પટેલ યુવતી અને એક પટેલ યુવતી દોષિત ઠર્યાં છે. ફ્રોડ અને મની લોન્ડરિંગ કરવાના કાવતરાના કેસમાં બે ભારતીય અમેરિકનો એ પોતાનો ગુનો કબુલ્યો હતો.

આ રીતે તેમણે અમેરિકનો સાથે કરોડો ડોલરની છેતરપીંડી કરતાં હતાં. ભાવેશ અને અસ્મિતા પટેલે ડેટા વેચતા દલાલો પાસેથી માહિતી મેળવીને કોલ સેન્ટર ઓપરેટરના માધ્યમથી અમેરિકન નાગરિકોને નિશાન બનાવ્યા હતા. આ રીતે હજારો અમેરિકનો તેમની છેતરપિંડિનો ભોગ બન્યા હતા.

ભાવેશ, અસ્મિતા અને તેમના અન્ય ષડયંત્રકારોએ કરેલી કબૂલાક મુદજબ તેમણે લોકોને ખંખેરવા માટે યોજના બનાવી હતી. આ યોજના પ્રમાણે અમદાવાદનાં કોલ સેન્ટરમાંથી આઇઆરએસ અને યુએસ સિટીઝનશિપ એન્ડ ઇમિગ્રેશન ડીપાર્ટમેન્ટમાંથી બોલું છું એવી બનાવટ કરીને અમેરિકનોને ફસાવતા હતા.