FBનો ઉપયોગ કરવા માટે ચાર્જ વસૂલાશે ? ઝુકરબર્ગે શું કહ્યું ? FB મફત છે છતાં કઈ રીતે થાય છે કમાણી ? જાણો વિગત

અમેરિકામાં રાષ્ટ્રપતિની ચૂંટણી દરમિયાન આશરે 5 કરોડ ફેસબુક યુઝર્સના પર્સનલ ડેટાનો ખોટો ઉપયોગ થયો, હોવાનો આરોપ છે. નોંધનીય છે કે, આ ચૂંટણી પછી ડોનાલ્ડ ટ્રમ્પ અમેરિકાના રાષ્ટ્રપતિ બન્યા હતા. ઝુકરબર્ગે આ મામલે પોતાની ભૂલ સ્વીકારીને ફેસબુક યુઝર્સની માફી પણ માંગી હતી.

ઝુકરબર્ગે સોમવારે એક ઇન્ટરવ્યુમાં જણાવ્યું હતું કે, જો ફેસબુક પોતાની સેવાઓ માટે ચાર્જ કરવા લાગે તો દરેક લોકો આ બોજ ઉઠાવી શકશે નહીં. તેમણે ઉમેર્યું હતું કે, હકીકત એ છે કે જો તમે એક એવી સેવા તૈયાર કરો છે, જે દુનિયામાં દરેક વ્યક્તિને જોડે છે, ત્યારે એવા ઘણા લોકો હોય છે જે પૈસા નથી ચૂકવી શકતા. જાહેરાત આધારિત બિઝનેસ મોડલ એક રીત છે.