PAKમાં ફસાયેલી ભારતીય મહિલા ભારત પાછી ફરી, ગનપોઇન્ટ પર કરાવાયા હતા લગ્ન

પાકિસ્તાની હાઇકમિશને જણાવ્યું કે, ઉઝમા તેના સંબંધીઓને મળવાના બહાને પાકિસ્તાન આવી હતી. ઉઝમાએ જણાવ્યું કે, તે તેના સંબંધીઓ મળવા પાકિસ્તાન આવી હતી પરંતુ તાહિરે તેની સાથે ગન પોઇન્ટ પર લગ્ન કરી લીધા હતા અને સેક્સ સંબંધો બાંધ્યા હતા. નવાઝ શરીફના વિદેશી બાબતોના સલાહકાર સરતાઝ અઝીઝે કહ્યું કે, કાયદાકીય પ્રક્રિયા પુરી થયા બાદ ઉઝમાને ભારત મોકલી દેવામાં આવશે.

દિલ્હીમાં રહેતી 20 વર્ષીય ઉઝમા અને તાહિરની મુલાકાત મલેશિયામાં થઇ હતી. તાહિર ત્યાં ટેક્સી ડ્રાઇવર હતો. 1 મેના રોજ તાહિર અને ઉઝમા પાકિસ્તાન પહોંચ્યા હતા. 3 મેના રોજ બંન્નેએ લગ્ન કર્યા હતા. ભારતીય વિઝા માટે ઉઝમા ઇન્ડિયન હાઇ કમિશન પહોંચી હતી. ત્ચાં ઉઝમાને રોકી લેવામાં આવી અને ત્યાં તેના ત્રણ મોબાઇલ ફોન જપ્ત કરી લેવામાં આવ્યા.