US પછી આ દેશે પાંચ મુસ્લિમ દેશો પર મૂક્યો પ્રતિબંધ, પાકિસ્તાન પણ યાદીમાં સામેલ

ટ્રમ્પે સાત મુસ્લિમ દેશો પર પ્રતિબંધ મૂક્યો તે અગાઉ પણ કુવૈતે સિરિયામાંથી આવતા નાગરિકો પર તો પ્રતિબંધ મૂકી જ દીધો હતો. હવે તેણે તેમાં પાકિસ્તાન સહિત બીજા ચાર દેશોનો ઉમેરો કર્યો છે. અગાઉ કુવૈતે સીરિયામાં ૨૦૧૧માં સ્ફોટક પરિસ્થિતિ વચ્ચે ત્યાંથી આવતા તમામ નાગરિકોના વિઝા સસ્પેન્ડ કરી દીધા હતા.

સાત મુસ્લિમ દેશોના રહેવાસીઓને અમેરિકાએ તેના દેશમાં પ્રવેશવા પર થોડીક રાહત આપી છે. હવે આ દેશોના લોકો પાસે ગ્રીન કાર્ડ હશે તેઓ અમેરિકા આવી શકશે. હાલમાં અમેરિકાએ આ દેશોના રહેવાસીઓ પર ત્રણ મહિના સુધી પ્રવાસ પર પ્રતિબંધ મુક્યો છે. વ્હાઇટ હાઉસના પ્રવક્તા સીન સ્પાઇસરે કહ્યું હતું કે ગ્રીન કાર્ડ હોલ્ડર્સને તેમની મરજી મુજબ અમેરિકામાં જવાની અને છોડવાની પરવાનગી આપવામાં આ‌વી છે.