ઓમાનઃ મહા શિવરાત્રિ પહેલા શિવ મંદિરમાં PM નરેન્દ્ર મોદીએ કરી પૂજા

આ અગાઉ મોદીએ ઓમાનના સુલતાન કબૂસ બિન સે મુલાકાત કરી હતી અને પ્રવાસ અને સૈન્ય સહયોગ સહિત આઠ ક્ષેત્રે કરાર કરવામાં આવ્યા હતા. બાદમાં મોદીએ ભારતીય લોકોને સંબોધિત કર્યા હતા.

પીએમ મોદીએ જે શિવ મંદિરમાં પૂજા કરી ત્યાં શિવ ઉપરાંત હનુમાનની મૂર્તિ પણ છે. આ મંદિરનું નિર્માણ 200 વર્ષ પહેલા કરવામાં આવ્યું હતું. આ મંદિર ઓમાનના સુલ્તાનન મહેલની નજીક જ છે. મંદિરને મોતિશ્વર મંદિર પણ કહેવામાં આવે છે. જે ખાડી દેશોનું સૌથી લોકપ્રિય મંદિર છે. હિન્દુઓ અહીંયા પ્રાર્થના કરીને ખુદને ભારત સાથે સંકળાયેલા હોવાનું અનુભવે છે.

મોદીએ કહ્યું કે, ઓમાનની ધરતી પર મિનિ ઇન્ડિયા જોઇ રહ્યો છું. દેશના અલગ રાજ્યોમાંથી અહી આવીને ભારતીયો એક ભવ્ય તસવીરનું નિર્માણ કરી રહ્યા છે. મોદીએ કહ્યું કે આ તેમની પ્રથમ ઓમાન યાત્રા છે. ત્યાં હાજર લોકોએ ભારત માતા કી જય અને વંદે માતરમના નારા લગાવ્યા હતા.

મોદીએ કહ્યું કે, સરકારના ચાર વર્ષ થયા છે પરંતુ કોઇ નથી કહેતું કે મોદી કેટલું લઇ ગયા. ભારતમાં હવે બદલાવ આવી રહ્યો છે. સરકારની નીતિઓ લોકો સુધી પહોંચી રહી છે. મોદીએ ગુજરાતી સહિત અનેક ભારતીય ભાષાઓમાં લોકોનું અભિવાદન કર્યું હતું. મોદીએ કહ્યું કે જો તે ભારતીય ભાષામાં નમસ્તે કરશે તો અનેક કલાક જતા રહેશે. આવી વિવિધતા બીજે ક્યાંય નહી જોવા મળે.

મસ્કતઃ વડાપ્રધાન નરેન્દ્ર મોદી ઓમાનના પ્રવાસ પર છે. આજે તેમના પ્રવાસનો અંતિમ દિવસ છે. પીએમ મોદીએ આજે બપોરે એક વાગે મસ્કતમાં આવેલા પ્રીચન શિવ મંદિરમાં પૂજા કરી હતી. પીએમ મોદીએ જે બાદ ત્યાં હાજર શ્રદ્ધાળુઓ સાથે ફોટા પણ પડાવ્યા હતા.