ઈઝરાયલમાં PM મોદી માટે ભારતીય યુવતીએ બનાવી ખીચડી, જાણો કોણ છે તે

તેલ અવીવ: પ્રધાનમંત્રી નરેંદ્ર મોદીના ઈઝરાયેલ પ્રવાસનો આજે ત્રીજો દિવસ છે. પ્રધાનમંત્રી નરેદ્ર મોદી માટે ગુજરાતી ભોજનની વ્યવસ્થા કરવામાં આવી છે. પીએમ મોદી ત્યાંની કિંગ ડેવિડ હોટલમાં રોકાયા છે.

પ્રધાનમંત્રી નરેંદ્ર મોદીના ભોજનની જવાબદારી રીના પુષ્કર્ણાને સોંપવામાં આવી છે. રીનાએ મીડિયાને જણાવ્યું હતું કે પ્રધાનમંત્રી નરેંદ્ર મોદી માટે ખાસ ગુજરાતી ભોજનની વ્યવસ્થા કરવામાં આવી છે, જેમ કે દાળ, ભાત, ખિચડી, પાપડ અમારુ ધ્યાન માત્ર આ જ ભોજન પર કેંદ્રીત છે.

રીનાએ જણાવ્યું હતું કે પ્રધાનમંત્રી નરેંદ્ર મોદીએ બપોરના ભોજનમાં ખીચડી લીધી હતી. મોદી માટે તેમણે ખિચડી ઉપરાંત છાસ અને સલાડ પણ મોકલ્યા હતાં. કિંગ ડેવિડ હોટલમાં મા યહુદી ધર્મ પ્રમાણેની ખાણી-પીણી જ મળે છે. જેના કારણે પ્રધાનમંત્રી મોદી માટે ભોજનની અલગ વ્યવસ્થા કરવામાં આવી છે.

ઈઝરાયેલના વડાપ્રધાન નેતન્યાહુએ જણાવ્યું હતું કે તેઓ અને સારા 30 વર્ષ અગાઉ તેલ અવીવના ભારતીય રેસ્ટોરન્ટમાં ડેટ પર ગયા હતાં. ત્યારબાદ સારા તેમની પત્ની બની ગયા હતાં. 30 વર્ષ પછી આ રેસ્ટોરન્ટના માલિક રીના પુષ્કર્ણાને પીએમ મોદીના જમવાની જવાબદારી સંભાળી રહ્યા છે.