સ્વીડનના PMએ મોદીનું સ્વાગત માત્ર હિન્દીમાં બોલીને નહીં લખીને પણ કર્યું

આ મુલાકાતમાં સૌથી ખાસ વાત આ હતી કે સ્વીડિશના પ્રધાનમંત્રીએ પીએમ મોદીનું સ્વાગતમાં પોતાના ઓફિશિયલ ટ્વીટર હેન્ડલ પર તેનું સ્વાગત હિંદી લખીને કર્યું છે. સ્વીડિશ પ્રધાનમંત્રીએ લખ્યું કે, ‘મારા પ્રિય મિત્ર પ્રધાનમંત્રી નરેન્દ્ર મોદીનું સ્વીડનમાં હાર્દિક સ્વાગત કરું છું. મને વિશ્વાસ છે કે આ ઐતિહાસિક યાત્રા મારા મુંબઈ પ્રવાસ બાદ રહી છે, આ યાદગાર રહેશે અને અમારા સંબંધને વધુ મજબૂત બનાવશે. તેમણે પોતાના ટ્વીટમાં સ્વાગતમ પણ લખ્યું છે. ’

નવી દિલ્હી: વડાપ્રધાન નરેન્દ્ર મોદી સ્વીડનના પ્રવાસે છે. પીએમ મોદી સોમવારે મોડી રાતે સ્વીડન પહોંચ્યા હતા. જ્યાં સ્વીડનના પ્રધાનમંત્રી સ્ટેફન લોફવેન પ્રોટોકોલ તોડીને એરપોર્ટ પર પીએમ મોદીનું સ્વાગત કર્યું હતું. પીએમ મોદીનો આ ઔતિહાસિક પ્રવાસ છે. 30 વર્ષ કોઈ ભારતીય વડાપ્રધાન સ્વીડનના પ્રવાસ પર છે. સ્વીડન પહોંચ્યા બાદ પીએમ મોદી ભારતીયોને પણ મળ્યા હતા.