દુનિયાની પ્રથમ સ્માર્ટ ટ્રેન, જે પાટા પર નહીં રોડ પર દોડશે, જાણો શું છે ખાસિયત

નવી દિલ્લી: ચીનની બુલેટ ટ્રેન ખૂબ પ્રખ્યાત છે અને સૌથી ઝડપી ટ્રેન દોડાવવામાં પણ મોખરે છે. હવે ચીને એવી ટ્રેન બનાવી છે જે પાટા વગર ચાલે છે. તમને જાણીને નવાઈ લાગશે પણ આ વાત સાચી છે. હંમેશા નવુ કરનાર ચીને હવે વર્ચુઅલ ટ્રેક પર દોડનારી ટ્રેન બનાવી છે. ચીન આ ટ્રેનને લઈને ખૂબ ઉત્સાહિત પણ છે.

આ સ્માર્ટ ટ્રેન સૌપ્રથમ લગભગ 40 લાખ આબાદીવાળા ઝુજો પ્રાંતમાં ચલાવવામાં આવી રહી છે. જો કે, બાદમા અન્ય શહરોમાં પણ આ રેલ સેવા શરૂ કરી શકે છે.