![ABP Premium](https://cdn.abplive.com/imagebank/Premium-ad-Icon.png)
Kisan Credit Card: કિસાન ક્રેડિટ કાર્ડના છે અઢળક ફાયદા, જાણો કેવી રીતે બનાવશો અને શું જોઈશે ડોક્યુમેંટ
Kisan Credit Card: ભારત એક કૃષિપ્રધાન દેશ છે અને તેની વસ્તીનો મોટો હિસ્સો હજુ પણ ખેતી પર નિર્ભર છે. ખેડૂત દિવસ-રાત ખેતરમાં મહેનત કરીને પાક ઉગાડે છે
![Kisan Credit Card: કિસાન ક્રેડિટ કાર્ડના છે અઢળક ફાયદા, જાણો કેવી રીતે બનાવશો અને શું જોઈશે ડોક્યુમેંટ Kisan Credit Card: know the benefits of kisan credit card and which document needed for it Kisan Credit Card: કિસાન ક્રેડિટ કાર્ડના છે અઢળક ફાયદા, જાણો કેવી રીતે બનાવશો અને શું જોઈશે ડોક્યુમેંટ](https://feeds.abplive.com/onecms/images/uploaded-images/2022/01/15/80fa824fbb898f8b34e0be540548cded_original.jpg?impolicy=abp_cdn&imwidth=1200&height=675)
Kisan Credit Card: ભારત એક કૃષિપ્રધાન દેશ છે અને તેની વસ્તીનો મોટો હિસ્સો હજુ પણ ખેતી પર નિર્ભર છે. ખેડૂત દિવસ-રાત ખેતરમાં મહેનત કરીને પાક ઉગાડે છે અને પછી લોકોની થાળીમાં ખોરાક પહોંચે છે. આવી સ્થિતિમાં, સરકારો પણ ખેડૂતોની મદદ માટે ઘણી યોજનાઓ ચલાવે છે. આ યોજનાઓ દ્વારા ખેડૂતોને આર્થિક મદદ કરવામાં આવે છે. વિવિધ રાહત પેકેજો પણ જાહેર કરવામાં આવે છે. સરકાર દેશના ખેડૂતો માટે કિસાન ક્રેડિટ કાર્ડ આપે છે, જેના હેઠળ ખેડૂતોને લોન આપવામાં આવે છે અને તે પણ ઓછા વ્યાજે. આ કાર્ડના પોતાના ઘણા ફાયદા છે. આવી સ્થિતિમાં, જો તમે પણ આ કાર્ડ માટે અરજી કરવા માંગો છો, તો ચાલો તમને તેના વિશે જણાવીએ.
આ દસ્તાવેજો જરૂરી છે:-
આધાર કાર્ડ
પાન કાર્ડ
પાસપોર્ટ સાઇઝનો ફોટો
એફિડેવિટ (તે જણાવે છે કે તમે અન્ય કોઈ બેંક પાસેથી લોન લીધી નથી)
આ રહ્યા ફાયદા
કિસાન ક્રેડિટ કાર્ડ મેળવવાના ઘણા ફાયદા છે. આ કાર્ડ દ્વારા ખેડૂત ભાઈઓને 9 ટકાના વ્યાજ પર 3 લાખ રૂપિયા સુધીની લોન મળે છે. જો કે, ખેડૂતોને રાહત આપતા સરકારે આ વ્યાજ પર 2 ટકા સબસિડી આપી છે. બીજી તરફ, જો ખેડૂત સમય પહેલા વ્યાજ ચૂકવે છે, તો તેને સરકાર દ્વારા 3 ટકાની અલગ સબસિડી આપવામાં આવે છે. આવી સ્થિતિમાં ખેડૂતે માત્ર 4 ટકા વ્યાજ ચૂકવવું પડે છે.
તમે આ રીતે અરજી કરી શકો છો:-
સ્ટેપ 1
જો તમે કિસાન ક્રેડિટ કાર્ડ બનાવવા માંગો છો તો તેના માટે તમારે પહેલા કિસાન યોજનાની સત્તાવાર વેબસાઇટ પર જવું પડશે. અહીં તમને કિસાન ક્રેડિટ કાર્ડનું ફોર્મ મળશે, જેને તમારે ડાઉનલોડ કરવાનું રહેશે.
સ્ટેપ 2
ફોર્મ ડાઉનલોડ કર્યા પછી તેને ભરો અને તેને તમારી બેંકમાં સબમિટ કરો. આ સાથે તમારે જરૂરી દસ્તાવેજો જોડવાના રહેશે. આ પછી તમને કાર્ડ આપવામાં આવે છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)