અમદાવાદ: આંબાવાડીમાં જૂથ અથડામણ, વાહનોમાં તોડફોડ અને આગચંપી, પોલીસે ટીયર ગેસના સેલ છોડ્યા

મોડી રાત્રે બનેલી આ ઘટનાને પગલે વિસ્તારમાં ભયનો માહોલ છવાઈ ગયો હતો. આ ઘટનાને પગલે આ વિસ્તારમાં પોલીસનો ચાંપતો બંદોબસ્ત ગોઠવી દેવામાં આવ્યો છે. પોલીસે લોકોને અફવાઓથી દૂર રહેવા અપિલ કરી છે.

ટોળાનો ગુસ્સો એટલો બધો હતો કે પોલીસ અને આગ બુઝાવવા આવેલી ફાયરબ્રિગેડની ટીમ પર પણ પથ્થરમારો કરવામાં આવ્યો હતો. જેમાં ફાયરબ્રિગેડનો એક જવાન ઘાયલ થયો હતો. ટોળાને વિખેરવા પોલીસને 3 જેટલા ટીયરગેસના સેલ છોડવા પડ્યા હતા.