EDની ટીમ અમદાવાદની પાંચ બેંકો ઉપર ત્રાટકી, મોટા પાયે કટકી થયાની આશંકા

વહેલી સવારથી જ ED અધિકારીઓની જુદી જુદી ટીમ આશ્રમરોડ સ્થિત પંજાબ નેશનલ બેક, શ્યામલ ચાર રસ્તા ખાતેની કેનરા બેંક, આનંદનગરના પિનેકલ બિલ્ડિંગની એસબીઆઈ અને સાણંદની સિન્ડીકેટ બેંક સહિત નેશનલાઇઝ બેંકોની 5 બ્રાંચ પર ત્રાટકી હતી.

EDના અધિકારીઓએ પાછલા બારણે વહીવટ કરતા બેંકના મેનેજરો પાસેથી બેંકમાં આવેલી અને તેમણે આપેલી નોટોની વિગતો મેળવી હતી. સાથે સાથે બેંકના સીસીટીવી કેમેરાના ફૂટેજની કોપી પણ કબજે લીધી છે. આ ઉપરાંત ઘણી બેંકના ચતુર મેનેજરો દ્વારા કૌભાંડીઓના કાળા નાણાં તેમના તથા તેમના મળતિયાઓના કરંટ એકાઉન્ટમાંથી RTGS કરાવી કરોડો રૂપિયા વિદેશોમાં ટ્રાન્સફર કરાવી દીધા હતા. આ કામગીરી માટે અમદાવાદની એક બેંકના મેનેજરે ૩૫ ટકા કમિશન લીધું હોવાની ફરિયાદ પણ RBI અને ઇનકમ ટેક્સ સમક્ષ થઇ હતી.