કોંગ્રેસ હાઈકમાન્ડ શંકરસિંહ બાપુને કઈ મોટી જવાબદારી સોંપવા થયું તૈયાર ? બાપુ સામે કોને છે વાંધો ? જાણો વિગત

કોંગ્રેસ હાઈકમાન્ડે આ ઓફર મૂકીને બાપુને ફિક્સમાં મૂકી દીધા છે ત્યારે બાપુ આ ઓફરનો સ્વીકાર કરે છે કે નહીં તેના પર સહુની નજર મંડાઈ છે. કોંગ્રેસના વર્તુળોમાં ચર્ચા છે કે, ભરતસિંહથી નારાજ બાપુને મનાવી લેવા માટે ચૂંટણી પ્રચારની જવાબદારી સોંપવા કોંગ્રેસે તૈયારી બતાવી છે ને હવે બાપુએ નિર્ણય લેવાનો છે.

શંકરસિંહ આ ઓફર સ્વીકારશે તો સત્તાવાર જાહેરાત આગામી દિવસોમાં કરવામાં આવશે. કોંગ્રેસે ઉત્તરપ્રદેશ અને પંજાબમાં ચૂંટણી પહેલાં મુખ્યપ્રધાનનો ઉમેદવાર જાહેર ન કરવાની પરંપરા તોડી હતી. પંજાબમાં સફળતા મળી અને કેપ્ટન અમરિંદરસિંઘની સરકાર રચાઈ છે ત્યારે ગુજરાતમાં પણ આ પ્રયોગ કરવામાં આવશે.