હાઈકમાન્ડને પૂછ્યા વિના ભાજપના ક્યા નેતાએ વિરમગામમાં ડૉ.તેજશ્રીબેન પટેલને ઉમેદવાર જાહેર કરી દીધાં ?

અમદાવાદઃ ભાજપની પાર્લામેન્ટરી બોર્ડમાં હજુ તો ઉમેદવારોની પેનલોને આખરી ઓપ અપાયો નથી ત્યાં અમદાવાદ જિલ્લાના વિરમગામ બેઠક પર કોંગ્રેસ છોડીને ભાજપમાં આવેલાં ડૉ.તેજશ્રીબેન પટેલને ભાજપની ટિકીટ આપી દેવાયાંની જાહેરાત ભાજપના જ એક ટોચના નેતાએ કરી નાખતાં ભાજપમાં ભડકો થઈ ગયો છે.

ડૉ.તેજશ્રીબેન પટેલના સમર્થકોએ ફેસબુક પર ઉમેદવાર જાહેર કરી દેતાં અભિનંદન આપવાનુ શરૂ કરી દીધું છે ત્યારે વિરોધીઓએ પેરાશુટ ઉમેદવાર ગણાવીને હરાવવાની ચિમકીઓ આપવા માંડી છે. ડૉ.તેજશ્રીબેન પટેલને ટિકીટ આપવાની ભાજપની ઉતાવળ ભાજપને જ ભારે પડશે તેમ દાવેદારોએ ચિમકી આપી દીધી છે.