ગુજરાતના કયા MLAનું જ્ઞાતિ પ્રમાણપત્ર રદ થતાં ગુમાવી શકે છે ધારાસભ્યપદ?

આ અંગેની વિગતો એવી છે કે, આદિજાતી વિકાસ કમિશનરે ભુપેન્દ્રસિંહ ખાંટનું જાતિનું પ્રમાણપત્ર રદ કરતાં ભુપેન્દ્રસિંહે હાઈકોર્ટમાં અરજી કરી હતી. આ અરજીને આધારે હાઈકોર્ટે આદિજાતી વિકાસ કમિશનરને આ અંગે નિર્ણય લેવા આદેશ આપ્યો હતો. જેના આધારે કમિશનરે ભુપેન્દ્રસિંહનું પ્રમાણપત્ર રદ કર્યું છે. ત્યારે ગુજરાત હાઇકોર્ટે કરેલા અવલોકનો બાદ ફરીથી સુનાવણી કરી લેવાયો આ નિર્ણય લેવાયો છે.

અમદાવાદઃ મોરવા હડફના ધારાસભ્ય ભુપેન્દ્રસિંહ ખાંટનું જાતિનું પ્રમાણપત્ર રદ થતાં તેમનું ધારાસભ્ય પદ ખતરામાં આવી ગયું છે. આજે ગુજરાત હાઈકોર્ટે તેમનું હિંદુ ભીલ તરીકેનું પ્રમાણપત્ર રદ કરી દીધું છે. નોંધનીય છે કે, ભુપેન્દ્રસિંહ ગત ડિસેમ્બર 2017માં યોજાયેલી ચૂંટણીમાં મોરવા હડફમાં અપક્ષ ચૂંટાઇ આવ્યા છે. તેઓ વિક્રમસિંહ ડિંડોર સામે ચૂંટણી જીત્યા હતા. તેઓ 4366 મતથી ચૂંટણી જત્યા હતા.

બેઠકમાં રજૂ થયેલી જોગવાઇઓ, દલીલો અને પુરાવાઓની પુરતી ચકાસણી કર્યા બાદ તારવેલા નિષ્કર્ષો પછી આ પ્રમાણપત્ર રદ કરવામાં આવ્યું છે, તેમ આ હુકમમાં જણાવાયું છે.

આદિજાતી વિકાસ કમિશનરનાં હુકમમાં જણાવાયું છે કે, જિલ્લા સમાજ કલ્યાણ અધિકારી-પંચમહાલ-ગોધરા પાસેથી મેળવેલ 'હિન્દુ ભીલ' અનુસૂચિત જનજાતિનું પ્રમાણપત્ર અને મોરવા હડફના મામલતદાર પાસેળી મેળવેલ હિન્દુ ભીલ અનુસૂચિત જાનજાતિનું પ્રમાણપત્રને રાજ્ય વિશ્લેષણ સમિતિની 19મી ફેબ્રુઆરીની બેઠકમાં અમાન્ય ઠેરવાયું છે.