ગુજરાતમાં રદ કરાયેલી લોકરક્ષક કોન્સ્ટેબલની પરીક્ષા હવે ફરી ક્યારે લેવાશે ? ભરતી બોર્ડના પ્રમુખે શું કહ્યું ?

આ વિદ્યાર્થીઓએ હવે ફરીથી પરીક્ષાની તૈયારી કરવી પડશે. આ પરીક્ષા ક્યારે લેવાશે તે સવાલ પણ પૂછાવા માંડ્યો છે ત્યારે એકાદ મહિનામાં ફરીથી પરીક્ષા લેવામાં આવી શકે છે. પોલીસ ભરતી બોર્ડના અધ્યક્ષ વિકાસ સહાયે પેપર લીક થવા અને ઉમેદવારોએ હેરાનગતિનો સામનો કરવો પડતાં દુઃખ વ્યક્ત કર્યું હતું.

જો કે અનેક જગ્યાએ પરીક્ષા રદ કરવામાં આવી હોવાની માહિતી આપવામાં ન આવતાં કેટલાંક સેન્ટરો પર ઉમેદવારોને પ્રવેશ આપી દેવામાં આવ્યો હતો. પછી પરીક્ષા રદ થતાં આ વિદ્યાર્થીઓ રઝળી પડ્યા હતા અને તેમનામાં ભારે આક્રોશ હતો.