હાર્દિક પટેલ અને જિગ્નેશ મેવાણીએ સાથે ઉડાવ્યો પતંગ, કહ્યું, - આગામી ચૂંટણીમાં ભાજપનો પતંગ કાપીશું

હાર્દિકે જણાવ્યુ કે, 'અમે ખેડૂતોની વિરુદ્ધ હોય તેનો પતંગ કાપવા માટે તૈયાર છીએ. અમારો જે માંઝો છે એ બેરોજગારી, ભ્રષ્ટાચાર અને મોંઘવારીને કાપવા માટે છે. અમે કોઈના વિરુદ્ધમાં નથી પરંતુ સત્તાના વિરોધી એ માટે છીએ કારણ કે તેમણે લોકોને મૂર્ખ બનાવવાનું કામ કર્યું છે.

ગુજરાત દેશમાં સવર્ણ અનામતનો અમલ કરનારું પ્રથમ રાજ્ય બન્યું હોવા અંગે પૂછાયેલા પ્રશ્નના જવાબમાં હાર્દિકે કહ્યુ કે, 'બધા કામમાં ગુજરાત પહેલું જ હોય છે, ભ્રષ્ટાચારમાં પણ પહેલું, એન્કાઉન્ટર કરવામાં પહેલું, રાજદ્રોહ લગાવવામાં પહેલું, ઈબીસી લગાવવામાં પણ પહેલું હોય છે. હાલ આ મુદ્દે સુપ્રીમમાં પડતર હોવાથી સુપ્રીમનો ચુકાદો હકારાત્મક આવશે તો અમે સરકારના નિર્ણયનું સ્વાગત કરીશું.