હાર્દિક પટેલે હાઈકોર્ટમાં અરજી કરી શું માંગી છૂટછાટ? જાણો વિગત

અમદાવાદઃ પાટીદાર અનામત આંદોલન સમિતિના કન્વીનર હાર્દિક પટેલે ગુજરાત હાઇકોર્ટમાં અરજી કરી છે. હાર્દિકને મળેલા જામીનની શરત પ્રમાણે તેની પર મહેસાણામાં પ્રવેશ પર પ્રતિબંધ છે. આ શરતમાં સુધારો કરવા માટે હાર્દિકે હાઇકોર્ટમાં અરજી કરી છે.

હાર્દિક હાલ પાટીદાર અનામત આંદોલનને લઇને લોકોનો સંપર્ક કરી રહ્યો છે. તેમજ આંદોલન હજુ જીવંત હોવાનો દાવો કરી રહ્યો છે. ત્યારે હાર્દિક પટેલ ગુજરાત હાઈકોર્ટમાં મહેસાણામાં પ્રવેશ પર પ્રતિબંધ હટાવવા માટે અરજી કરી છે. હવે આગામી સમયમાં જોવાનું રહેશે કે, હાર્દિકને લઇને ગુજરાત સરકાર કેવું વલણ અપનાવે છે.

આ અરજીના પગલે સરકારે જવાબ રજૂ કરવા સમય માંગ્યો છે. આ મામલે આગામી અઠવાડિયે સુનાવણી થશે. નોંધનીય છે કે, રાજદ્રોહના કેસમાં હાર્દિક પટેલને છ મહિના સુધી ગુજરાત બહાર રહેવાની ફરજ પડી હતી. હાલ હાર્દિક ગુજરાતમાં છે.

હાર્દિક પટેલે અરજી કરીને રજૂઆત કરી છે કે કોર્ટે આ શરતમાં સુધારો કરી આપવો જોઈએ. હાર્દિક પટેલ પર મહેસાણાના વિસનગરમાં રાયોટીંગ અને મારામારી અંગે ગુનો નોંધાયો છે. આ ગુનામાં જામીન આપતી વખતે કોર્ટે હાર્દિકને મહેસાણામાં પ્રવેશ પર રોક લગાવવાની શરત પણ મૂકી હતી. જેની સામે આ અરજી થઇ છે.