હાર્દિકની 17મીએ હિંમતનગર પાસે સભા, જાણો કોણે ક્યા બહાને માંગી મંજૂરી, શું હશે સભાનો સમય?

શનિવારે હિમતનગર મામલતદાર પાસે સાબરકાંઠા પાસ કન્વીનર રવિ પટેલે પોતાના નામ સાથે કાંકરોલ ગામની સીમમાં 17 જાન્યુઆરીએ બપોરે 2 થી સાંજે 5 દરમિયાન પાટીદાર સમાજના જીપીએસસીમાં પાસ થનાર તેજસ્વી તારલાઓનું સન્માન કાર્યક્રમ હાર્દિક પટેલના હસ્તે કરવાના બહાને સભાની લેખિત મંજૂરી માંગી છે.

આ આયોજન માટે શનિવારે હિંમતનગર હડીયોલ, તલોદના ખેરોલ સહિતના ગામોમાં કાર્યકરો સાથે બેઠક યોજી હતી. તેમાં નિર્ણય લેવાયો કે યુવા પાટીદારોની પાંચ ટીમો બનાવી આ સપ્તાહે 85 ગામોમાં બેઠક કરાશે. પાટીદારોને ફરી સક્રિય થવાની હાકલ આ બેઠકોમાં કરાશે.