ઈન્સ્ટન્ટ સૂપથી ડાયાબિટીસ, કેન્સર ઉપરાંત બીજા ક્યા રોગનો ખતરો ? શું છે અમદાવાદની રીસર્સ સંસ્થાનું તારણ ?

એક સંશોધન કેન્દ્રએ આ ઈન્સ્ટન્ટ સૂપના પરિક્ષણ માટે ત્રણ લોકપ્રિય બ્રાન્ડના ઇન્સટન્ટ સૂપના નમૂના લીધા હતા, આ પરિક્ષણમા નક્કી કરેલી માત્રા કરતાં વધારે પ્રમાણમાં મીઠું અને ખાંડ મળી આવ્યા છે. રિપોર્ટ પ્રમાણે સૂપ બનાવતી વખતે સૂકાં શાકભાજીનાં સત્ત્વ અને પોષકતત્ત્વ ઘટી જાય છે. એટલે તેને ખાવાથી આરોગ્યને કોઈ લાભ થતો નથી.

એક કાર્ડિયોલોજિસ્ટે જણાવ્યું કે, ઇન્સ્ટન્ટ સૂપ એવા લોકો લઈ શકે, જેઓ અતિશય શારીરિક પ્રવૃત્તિ કરતા હોય. જેમ કે મેરેથોન દોડ. કારણ કે લોકોને વધારે મીઠું અને ખાંડની જરૂર પડતી હોય છે. બાકી જેઓ બેઠાડું જીવન જીવે છે તેઓ માટે ઇન્સ્ટન્ટ પ્રોડક્ટ સૌથી વધારે નુકસાનકારક છે. હાઈ બ્લડ પ્રેશર, હાર્ટ ફેલ્યોર, ડાયાબિટીસનું જોખમ રહે છે. જો બાળકો ઇન્સ્ટન્ટ સૂપ લેતા હોય તો તેઓમાં સથૂળતા વધી શકે છે.