અમદાવાદઃ દલિત નેતા જીજ્ઞેશ મેવાણીની ધરપકડ, વરુણ પટેલ નજરકેદ

અમદાવાદઃ ગુજરાતમાં બેરોજગારીને લઈને અલ્પેશ ઠાકોરે વાઈબ્રન્ટ સમિટનો વિરોધ કરવાની જાહેરાત કરી હતી. આ પછી તેણે સરકાર સાથેની મુલાકાત પછી આ જાહેરાત પરત ખેંચી લીધી હતી. જોકે, જીજ્ઞેશ મેવાણીએ વિરોધ કરવાની જાહેરાત કરી હતી, ત્યારે આજે જીજ્ઞેશ અડાલજથી ગાંધીનગર કુચ કરે તે પહેલા તેની ધરપકડ કરવામાં આવી છે.

તેમણે ઉમેર્યું હતું કે, વાઇબ્રન્ટ સમિટમાં અનેક વિદેશી મહેમાનો સમક્ષ ગુજરાતની અસ્મિતા માટે વિરોધ ન કરવા વિનંતી કરવામાં આવી હતી. તેમણે ઉમેર્યું હતું કે, જો માર્ચ મહિના સુધી કોઇ ઉકેલ નહીં આવે તો ફરીથી આંદોલન શરૂ કરવામાં આવશે.