ગુજરાત કોંગ્રેસના ક્યા ધારાસભ્ય સામે પક્ષના જ યુવા નેતાએ ઠોક્યો 10 કરોડનો માનહાનિનો દાવો ?

અમદાવાદઃ ગુજરાત કોંગ્રેસના એક ધારાસભ્ય સામે તેમના જ પક્ષના યુવા નેતાઓ 10 કરોડ રૂપિયાનો બદનક્ષીનો દાવો ઠોકી દેતાં રાજકીય ગરમાવો વ્યાપી ગયો છે. આ યુવા નેતાનો આક્ષેપ છે કે, કોંગ્રેસના ધારાસભ્યે હાઈકમાન્ડને લખેલા પત્રમાં ખોટા આક્ષેપો કરી મારી રાજકીય કારકિર્દીને નુકસાન કર્યું છે.

શેખે પત્રમાં લખ્યું હતું કે, આ અંગેના સીસીટીવી ફુટેજની ખરાઇ કરવામાં આવે તો આ વાત સાચી નિકળશે. આ સંજોગોમાં પક્ષ વિરોધી પ્રવૃતિ કરતા આગેવાનોને તાત્કાલિક સસ્પેન્ડ કરવા પક્ષના હિતમાં છે. આ પત્રના સંદર્ભમાં બ્રહ્મભટ્ટે શેખ સામે માનહાનિનો દાવો કર્યો છે.

આ નેતાઓએ દરિયાપુરના ભાજપના ઉમેદવારને જીતાડવા માટે રાઇફલ કલબમાં 11 નવેમ્બરે બેઠક હતી. જેમાં રાજુ મોમીનને અપક્ષ ઉમેદવારી કરવા રૂપિયા 50 લાખની લાલચ આપી હતી. આ બેઠકમાં મૈયુદ્દીન બના શેઠે વિરોધ કરતા રાજેશ બ્રહ્મભટ્ટ અને રાજુ મોમીન ભાગી ગયા હતા.

તેમણે આક્ષેપ કર્યો છે કે, મારી કારર્કિદીને હાનિ પહોંચાડવાના ઇરાદે ધારાસભ્ય ગ્યાસુદ્દીન શેખે વિધાનસભાની ચૂંટણી દરમિયાન ગુજરાત પ્રદેશ પ્રમુખ સહિતના નેતાઓને પત્ર લખ્યો હતો. જેમાં આક્ષેપ કરેલો કે રાજેશ બ્રહ્મભટ્ટ અને પૂર્વ કાઉન્સિલર રાજેશ મોમીન પક્ષ વિરોધી પ્રવૃતિ કરી રહ્યા છે.

કોર્ટે ગ્યાસુદ્દીન શેખને નોટિસ આપી વધુ સુનાવણી 2 ફેબ્રુઆરીના રોજ રાખી છે. શાહપુરમાં રહેતા અને ગ્રાહક સુરક્ષા સેલ, અમદાવાદ કોંગ્રેસના પ્રમુખ રાજેશ બ્રહ્મભટ્ટે કોર્ટમાં રજૂઆત કરી હતી કે, શેખે તેમની સામે ખોટા આક્ષેપો કરીને માનહાનિ કરી છે.

કોંગ્રેસના ધારાસભ્ય ગ્યાસુદીન શેખ સામે રૂપિયા 10 કરોડની માનહાનીનો દાવો કરાયો છે. દરિયાપુરના ધારાસભ્ય ગ્યાસુદ્દીન શેખ સામે કોંગ્રેસના યુવા નેતા રાજેશ બ્રહ્મભટ્ટે સિટી સિવિલ કોર્ટમાં રૂપિયા 10 કરોડનો માનહાનિનો દાવો કર્યો છે.