સમગ્ર ગુજરાતમાં ભારેથી અતિભારે વરસાદની આગાહી, કઈ તારીખે પડી શકે છે વરસાદ, જાણો વિગત

શુક્રવારે સુરત, આણંદ, ભરૂચ અને ભાવનગરમાં વરસાદી ઝાપટાં પડ્યાં હતાં. બીજી તરફ અસહ્ય બાફથી લોકો કંટાળી ગયા છે. વરસાદ ખેંચાતાં ખેડૂતોમાં ભારે ઉચાટ જોવા મળી રહ્યો છે. કારણ કે, મોંઘી દવા અને ખાતર સાથે વાવણી કરેલી પાક મુરઝાઈ જવાની અણી ઉપર આવી પહોંચ્યો છે.

હવામાન વિભાગની આગાહી પ્રમાણે આવતા સપ્તાહમાં આ વરસાદની ઘટ પૂરી થવા ઉપરાંત સારો વરસાદ પડશે. 6ઠ્ઠી ઓગસ્ટથી ગુજરાતમાં પુનઃ મેઘરાજાની સવારી આવી પહોંચશે અને ભારેથી અતિભારે વરસાદ પડશે.