હાર્દિક ગુજરાત ના આવે એટલે રાજસ્થાનમાં જ જેલમાં ધકેલવાનો તખ્તો તૈયાર ? જાણો ક્યો કેસ ઉખેળાયો ?

હાર્દિકને રાજદ્રોહના કેસમાં જામીન આપતી વખતે છ મહિના ગુજરાત બહાર રહેવાની શરત લાદી હતી. તેના કારણે હાર્દિકે ઉદયપુરમાં રહેવાનું નક્કી કર્યું હતું. હાર્દિકની છ મહિનાની મુદત 16 જાન્યુઆરીએ પૂરી થાય છે તેથી તે 17 જાન્યુઆરીએ ગુજરાતમાં પ્રવેશવાની યોજના બનાવી ચૂક્યો છે.

હાર્દિક પટેલે પોતે આ આક્ષેપ કર્યો છે. છેલ્લા ત્રણેક દિવસથી જે ઘટનાક્રમ બન્યો છે તેના કારણે હાર્દિકે આ આક્ષેપ કર્યો છે. ગુજરાત હાઈકોર્ટના આદેશને પગલે હાર્દિક રાજસ્થાન આવ્યો એ વખતે થયેલા કેસની કાર્યવાહી પોલીસે છેક છ મહિના પછી શરૂ કરી હાર્દિકને સમન્સ પાઠવતાં હાર્દિકે આક્ષેપ કર્યો છે.