અમદાવાદઃ કારમાંથી મળી યુવકની લાશ, પોલીસે તપાસતાં ચાલતાં હતાં શ્વાસ, પછી શું થયું?

યુવકને તાત્કાલિક ઝાયડસ હોસ્પિટલ લઈ જવાયો હતો. જોકે, ત્યાં ડોક્ટરોએ તેને મૃત જાહેર કર્યો હતો. યુવક અંગે તપાસ કરતાં તેનું નામ રણજિતસિંહ મકવાણા હોવાનું સામે આવ્યું હતું. તેમજ તે વાડજ પોલીસ સ્ટેશનમાં કોન્સ્ટેબલ તરીકે ફરજ બજાવતો હોવાનું પણ જાણવા મળ્યું હતું. નોંધનીય છે કે, યુવકની લાશ બલેનો કારમાંથી મળી આવી હતી.

અમદાવાદઃ ગઈ કાલે મોડી સાંજે શહેરના બોપલ ઓવરબ્રિજ નીચે કારમાં લાશ પડી હોવાના સમાચાર મળતાં ચકચાર મચી ગઈ હતી. આ અંગે જાણ થતાં પોલીસ તાત્કાલિક ઘટનાસ્થળે પહોંચી હતી. પોલીસે તપાસતાં યુવકના શ્વાસ ચાલું હતા, જેથી પોલીસે તેને તાત્કાલિક હોસ્પિટલે ખસેડ્યો હતો.