અમદાવાદઃ કર્ણાવતી ક્લબ પાસે લૂંટાઇ ટ્રક, એ જ ટ્રકને થયો અકસ્માત ને લૂંટારુંનું શું થયું?

આ અંગેની વિગતો એવી છે કે, ગઈ કાલે રાત્રે કર્ણાવતી ક્લબ પાસે ટ્રકના ડ્રાઇવરને માર મારી આરોપી ટ્રક લઈને ફરાર થઈ ગયો હતો. જે ટ્રક સનાથલ પાસે પલટી ખાઈ હતી. જેમાં આરોપીનું મોત થયું હતું. અસલાલી પોલીસે આ ગુનામાં વધુ તપાસ હાથ ધરી છે.

અમદાવાદઃ શહેરના સનાથળ સર્કલ પાસે એક ટ્રક પલટી ખાતા એક વ્યક્તિનું મોત થયું છે. અત્યારે અસલાલી પોલીસે ઘટનાસ્થળે પહોંચીને વધુ તપાસ હાથ ધરી છે. ત્યારે આ ટ્રક અંગે ચોકાવનારી વિગતો સામે આવી છે. આ ટ્રકની ગઈ કાલે જ લૂંટ ચલાવવામાં આવી હતી. તેમજ જેણે લૂંટ ચલાવી હતી, તે વ્યક્તિનું આ અકસ્માતમાં મોત થયું છે.