'વિજય ગુંડો છે અને રોજ નવી નવી છોકરીઓને ફસાવે છે, તું બેટા આનાથી અલગ થઈ જા'

યુવતીનો આક્ષેપ છે કે, હું બીમાર હોય તો પણ મારી પાસે આવે છે અને મારા પર શક કરે છે. મને એકલી ક્યાંય જવાનું નહીં કરીને જાણે નજરકેદ કરી લીધા હોય તેવી મારી લાઇફ થઈ ગઈ છે. મારા બધા ફ્રેન્ડસર્કલ અને સંબંધીઓને અમારા સંબંધની ખબર હતી. બધા જ મને વિજયના નામથી ચીઢવતા હતા. વિજયે આ પહેલા પણ ઘણી બધી છોકરીઓ સાથે સંબંધો બાંધેલા છે. તેનું નામ ખૂબ જ બદનામ છે.

દરમિયાન વિજય મારા ઘરની સામે આવી ગયો અને ત્યાં બુમો પાડવા માંડ્યો. મેં તરત જ મમ્મીના ફોનમાંથી કહ્યું કે, તમે શાંતી રાખો. હું તમને પછી ફોન કરું છું. તમે અત્યારે જાવ. મારા પપ્પાએ મને લાફો માર્યો અને મારો ફોન લઈ લીધો, તે માટે વિજય દિવાળીની રાતે ડી.જે. પાર્ટી અને તેના બધા મિત્રો લઈને અમારા ઘરની બહાર રાત્રે ત્રણ વાગ્યા સુધી ફટાકડા ફોડ્યા અને મારા પિતાને ખૂબ જ ગંદી ગાળો આપી. મને જોરથી આઇ લવ યુ .... કરીને બૂમો પાડી અને મને મેસજ કરીને કહ્યું કે, મારે તારા બાપને મારવો છે. આથી હું ખૂબ ગભરાઈ ગઈ અને મારો ફોન બંધ કરી દીધો.