વાઈબ્રન્ટ: 'ભલે પધારો' કહીને મોદીએ તમામનું અભિવાદન કર્યું, જાપાન-કેનેડાનો માન્યો આભાર

આગામી એક મહિનામાં 450 ગામોને ડીઝીટલ પેમેન્ટ માટે સક્ષમ બનાવવામાં આવશે. ગુજરાતનો વિકાસ સંતુલિત અને સાર્વત્રિક છે, તેમ વિજય રૂપાણીએ વાઇબ્રન્ટ સમિટના ઉદઘાટન સમારંભમાં જણાવ્યું હતું. રતન ટાટાએ કહ્યું કે, તમે ગુજરાતમાં રોકાણ ન કરો તો તમે મૂર્ખ છો. ગુજરાત દેશનું સૌથી ઝડપી વિકસતું રાજ્ય છે. પીએમ નરેન્દ્ર મોદીના વિઝનના પણ વખાણ કર્યા અને અંતે ગુજરાતીમાં કહ્યું હું પણ ગુજરાતી છું અને આપણે બધા ગુજરાતમાં આવ્યા છે.

આ પ્રસંગે મુકેશ અંબાણીએ જણાવ્યું હતું કે, રિલાયન્સ આગામી માર્ચ 2017 સુધીમાં વધુ 10 હજાર કરોડ નું રોકાણ કરશે. રાજ્યની શાળાઓ અને હોસ્પિટલોમાં જીઓ ડીઝીટલ કનેક્ટિવિટી ઉપલબ્ધ કરાવાશે. પ્રધાનમંત્રીના ડીઝીટલ પેમેન્ટના સપનાને સાકાર કરીશું.