બજેટમાં નવી ડીઝલ SUV ખરીદવી છે? આ 5 પાવરફુલ અને વધુ માઈલેજ આપતી કારનું લિસ્ટ જુઓ

ટાટા નેક્સોન, હ્યુન્ડાઈ વેન્યુથી લઈને મહિન્દ્રા 3XO સુધીના બેસ્ટ ઓપ્શન, જાણો કિંમત અને ફીચર્સ.

best diesel SUV under 15 lakh

Source : ai

Show Quick Read

Key points generated by AI, verified by newsroom

• ૧૫ લાખથી ઓછી કિંમતે શ્રેષ્ઠ ડીઝલ SUV ઉપલબ્ધ.
• ટાટા કર્વ, કિયા સિરોસ, નેક્સોન, XUV 3XO, વેન્યુ શ્રેષ્ઠ વિકલ્પો.
• આ SUVs શક્તિશાળી એન્જિન અને આકર્ષક ફીચર્સ ધરાવે છે.
• લાંબા અંતરની મુસાફરી માટે ડીઝલ SUV શ્રેષ્ઠ પસંદગી.

best diesel SUV under 15 lakh: ભારતમાં ભલે ગમે તેટલા કડક ઉત્સર્જન નિયમો આવી ગયા હોય, પણ ડીઝલ કારનો ક્રેઝ હજુ પણ અકબંધ છે. ઘણા લોકો આજે પણ લાંબા અંતરની મુસાફરી માટે ડીઝલ એન્જિન પર જ સૌથી વધુ ભરોસો કરે છે. ખાસ કરીને SUV સેગમેન્ટમાં ડીઝલ વાહનોની ડિમાન્ડ તેમના જોરદાર માઈલેજ અને પાવરફુલ પરફોર્મન્સને કારણે હંમેશા વધારે રહે છે. જો તમે પણ નવી ડીઝલ SUV ખરીદવાનું વિચારી રહ્યા છો પણ તમારું બજેટ ઓછું છે, તો હવે ચિંતા કરવાની જરૂર નથી. Tata, Kia, Hyundai અને Mahindra જેવી જાણીતી કંપનીઓ 15 લાખથી પણ ઓછી શરૂઆતી કિંમતે શાનદાર ડીઝલ કાર ઓફર કરી રહી છે. ચાલો જોઈએ આ 5 બેસ્ટ ડીઝલ SUV ના ફીચર્સ અને કિંમત વિશે.

1. ટાટા કર્વ (Tata Curvv)

Tata Curvv તેની ખાસ કૂપ (Coupe) SUV ડિઝાઈનના કારણે બજારમાં એકદમ અલગ જ દેખાય છે.

એન્જિન પાવર: તેમાં 1.5-લિટર ડીઝલ એન્જિન છે જે 118 હોર્સપાવર અને 260 Nm ટોર્ક જનરેટ કરે છે.

ખાસિયત: આ કાર મેન્યુઅલ અને ઓટોમેટિક એમ બંને ટ્રાન્સમિશન ઓપ્શનમાં મળે છે, જેથી ડ્રાઈવિંગ એકદમ સ્મૂથ બની જાય છે.

કિંમત: 11.2 લાખથી શરૂ થઈને 19.1 લાખ રૂપિયા સુધી.

2. કિયા સિરોસ (Kia Syros)

Kia Syros એક પ્રીમિયમ ફીલ આપતી કોમ્પેક્ટ SUV છે.

એન્જિન પાવર: આમાં પણ 1.5-લિટર ડીઝલ એન્જિન છે જે 116 હોર્સપાવર અને 250 Nm ટોર્ક આપે છે.

ખાસિયત: આ કારની સૌથી મોટી ખાસિયત તેની પાછળની આરામદાયક સીટો છે, જેમાં તમને વેન્ટિલેશન અને રિક્લાઈનિંગના શાનદાર ફીચર્સ મળે છે.

કિંમત: 10 લાખથી લઈને 15.8 લાખ રૂપિયાની વચ્ચે.

3. ટાટા નેક્સોન (Tata Nexon)

Tata Nexon ભારતની સૌથી પોપ્યુલર અને ફેવરિટ SUV માંથી એક છે.

એન્જિન પાવર: તેમાં 1.5-લિટરનું ડીઝલ એન્જિન છે, જે 115 હોર્સપાવર અને 260 Nm ટોર્ક જનરેટ કરે છે.

ખાસિયત: આ કાર પણ મેન્યુઅલ અને ઓટોમેટિક ઓપ્શન સાથે આવે છે. મજબૂત બિલ્ડ ક્વોલિટીની સાથે તે તમને નિરાશ નહીં કરે.

કિંમત: 9 લાખથી શરૂ થઈને 14.22 લાખ રૂપિયા સુધી (જે તેને એકદમ બજેટ-ફ્રેન્ડલી ઓપ્શન બનાવે છે).

4. મહિન્દ્રા XUV 3XO (Mahindra XUV 3XO)

Mahindra XUV 3XO તેના પાવરફુલ પરફોર્મન્સ માટે જાણીતી છે.

એન્જિન પાવર: તેમાં 1.5-લિટર ડીઝલ એન્જિન આપવામાં આવ્યું છે જે 117 હોર્સપાવર અને સૌથી વધુ 300 Nm ટોર્ક આપે છે.

ખાસિયત: ઓછી સ્પીડમાં પણ આ કાર જોરદાર કંટ્રોલ અને સ્મૂથ ડ્રાઇવિંગનો અનુભવ કરાવે છે.

કિંમત: 8.95 લાખથી શરૂ થઈને 13.43 લાખ રૂપિયા સુધી.

5. હ્યુન્ડાઈ વેન્યુ (Hyundai Venue)

ડીઝલ SUV સેગમેન્ટમાં Hyundai Venue એક અત્યંત ભરોસાપાત્ર નામ છે.

એન્જિન પાવર: તેમાં 1.5-લિટરનું એન્જિન છે જે 116 હોર્સપાવર અને 250 Nm ટોર્ક ઉત્પન્ન કરે છે.

ખાસિયત: આ કાર મેન્યુઅલની સાથે હવે ઓટોમેટિક ગિયરબોક્સ ઓપ્શનમાં પણ ઉપલબ્ધ થઈ ગઈ છે. વેન્યુની આરામદાયક કેબિન અને આધુનિક ફીચર્સ તેને રોજબરોજના ઉપયોગ માટે બેસ્ટ બનાવે છે.

કિંમત: 9.88 લાખથી લઈને 15.64 લાખ રૂપિયાની વચ્ચે.

આ પણ વાંચો

163 PS પાવર અને 5-સ્ટાર સેફ્ટી! રેનો Duster 2026 ના ક્રેશ ટેસ્ટ રિઝલ્ટ જોઈ તમે પણ ચોંકશો