નવી કાર ખરીદવી છે? જાણી લો CNG, હાઇબ્રિડ કે પેટ્રોલ-ડીઝલમાંથી કઈ કાર સૌથી સસ્તી પડશે?
કાર લેતા પહેલા તેનો રનિંગ કોસ્ટ સમજવો ખૂબ જ જરૂરી છે, તમારો એક સાચો નિર્ણય દર મહિને બચાવી શકે છે હજારો રૂપિયા.
cheapest car fuel type india: નવી કાર ખરીદવા જઈએ ત્યારે આપણું ધ્યાન સૌથી પહેલાં તેના લુક, ફીચર્સ અને કિંમત પર જતું હોય છે. પરંતુ, ખરીદ્યા પછીનો અસલી ખર્ચો તો પેટ્રોલ-ડીઝલ ભરાવવાનો હોય છે. આજના સમયમાં ઈંધણના વધતા ભાવોને કારણે લોકોના ઘરનું બજેટ ખોરવાઈ રહ્યું છે. એટલે જ લોકો હવે પેટ્રોલ-ડીઝલના બદલે CNG અને હાઇબ્રિડ કાર તરફ વધુ વળી રહ્યા છે. પણ મોટો સવાલ એ છે કે ખરેખર કઈ કાર ચલાવવી સૌથી સસ્તી પડે? જો તમે રોજ લાંબુ અંતર કાપતા હોવ, તો તમારા માટે સાચું ઈંધણ પસંદ કરવું ખૂબ જ જરૂરી બની જાય છે.
એક ખોટો નિર્ણય તમારા દર મહિનાના ખર્ચમાં હજારો રૂપિયાનો વધારો કરી શકે છે. એટલે જ કાર લેતા પહેલા તેની માઈલેજ અને રનિંગ કોસ્ટ (ચલાવવાનો ખર્ચ) નું ગણિત સમજી લેવું જોઈએ. દરેક પ્રકારના ઈંધણના પોતાના ફાયદા અને ગેરફાયદા છે. તમારી રોજની મુસાફરી કેટલી છે અને તમે કેવા રસ્તાઓ પર કાર ચલાવો છો, તેના આધારે કઈ કાર તમને સૌથી વધુ પૈસા બચાવી આપશે તે જાણવું અગત્યનું છે.
CNG અને હાઇબ્રિડ કાર કેમ બની રહી છે લોકોની પહેલી પસંદ?
આજકાલ CNG કારને સૌથી સસ્તો અને સારો વિકલ્પ માનવામાં આવે છે. પેટ્રોલ અને ડીઝલની સરખામણીમાં CNG સસ્તું હોવાથી, જેમને રોજ વધારે કિલોમીટર કાર ચલાવવાની હોય તેમના માટે આ બેસ્ટ ઓપ્શન છે. ખાસ કરીને સિટીમાં ફરવા માટે અને ફેમિલી કાર તરીકે CNG નો વપરાશ ઝડપથી વધ્યો છે.
બીજી તરફ, હાઇબ્રિડ કારનો ક્રેઝ પણ માર્કેટમાં જબરદસ્ત વધી રહ્યો છે. હાઇબ્રિડ સિસ્ટમ બમ્પર-ટુ-બમ્પર ટ્રાફિકમાં બેટરી અને એન્જિન બંનેનો સ્માર્ટ રીતે ઉપયોગ કરે છે, જેથી ઈંધણની ઘણી બચત થાય છે. આ જ કારણે હાઇબ્રિડ કારની માઈલેજ ઉત્તમ હોય છે. ભલે હાઇબ્રિડ કાર લેતી વખતે તમને શરૂઆતમાં થોડી મોંઘી પડે, પણ લાંબા ગાળે તેનો ઓછો રનિંગ ખર્ચ ખૂબ ફાયદાકારક સાબિત થાય છે.
આ પણ વાંચોઃ ભૂલથી પણ કારમાં આ 5 ભૂલો ન કરતા, નહિતર વચ્ચે રસ્તે જ બેટરી થઈ જશે ગુલ!
પેટ્રોલ અને ડીઝલ કારનું ગણિત પણ સમજી લો
જો પેટ્રોલ કારની વાત કરીએ તો, તેની શરૂઆતની કિંમત ઓછી હોય છે અને તેની જાળવણી (મેન્ટેનન્સ) પણ સહેલી છે. જો તમારે મહિને બહુ ઓછું ફરવાનું થતું હોય, તો પેટ્રોલ કાર આજે પણ એક સારો વિકલ્પ છે.
એક સમય હતો જ્યારે લાંબા અંતર માટે લોકો ડીઝલ કાર જ પસંદ કરતા, કારણ કે તેની માઈલેજ પેટ્રોલ કરતા સારી મળતી હતી. પરંતુ, હવે ઘણા મોટા શહેરોમાં ડીઝલ કાર માટેના કડક નિયમો અને તેના વધતા મેન્ટેનન્સ ખર્ચને કારણે લોકો હવે ડીઝલ કાર લેતા ખચકાઈ રહ્યા છે. વળી, ડીઝલ કારની શરૂઆતની કિંમત પણ વધારે હોય છે. આથી જ હવે મોટાભાગના ગ્રાહકો ડીઝલ કાર છોડીને CNG અને હાઇબ્રિડ તરફ વળી રહ્યા છે.
કોઈપણ નવી કાર ફાઇનલ કરતા પહેલા, તમારું રોજનું ડ્રાઇવિંગ, સિટીનો ટ્રાફિક અને આખા વર્ષમાં કાર અંદાજિત કેટલા કિલોમીટર ચાલશે, તેની ગણતરી ચોક્કસ કરી લેજો. આ નાનકડો વિચાર તમને લાંબા ગાળે મોટી બચત કરાવી શકશે.
આ પણ વાંચોઃ પેટ્રોલ-ડીઝલના ભાવવધારાના ટેન્શન વચ્ચે ખરીદો આ 5 બેસ્ટ CNG કાર, આપશે બમ્પર માઇલેજ
ટોપ સ્ટોરી
ટ્રેન્ડિંગ સમાચાર
