ફુલ ટાંકી પર ચાલે છે 1700 KM, ચીનની આ હાઈબ્રીડ SUV માર્કેટમાં આવતા જ મચી ગયો હંગામો
G7 Hybrid SUV: આ વાહનમાં એક નાનું પેટ્રોલ એન્જિન પણ છે, જે કારને પાવર આપવાને બદલે બેટરી ચાર્જ કરે છે. કંપનીએ આ ગાડીને સસ્તા ભાવે લોન્ચ કરી છે.
G7 Hybrid SUV: ચીની ઇલેક્ટ્રિક વ્હીકલ (EV) દિગ્ગજ Xpeng Motors એ તેની G7 SUV નું નવું હાઇબ્રિડ વર્ઝન લોન્ચ કર્યું છે. કંપનીનો દાવો છે કે આ SUV દુનિયામાં સૌથી લાંબી રેન્જ આપે છે.
ચીની કંપની Xpeng Motors એ તાજેતરમાં જ તેની નવી G7 SUV નું હાઇબ્રિડ વર્ઝન રજૂ કર્યું છે. આ ગાડી એક વાર ફુલ ચાર્જ કર્યા પછી 1,704 કિલોમીટર સુધી મુસાફરી કરી શકે છે. આ અંતર દિલ્હીથી મુંબઈ સુધી આરામથી મુસાફરી કરવા માટે પૂરતું છે. આ રીતે, લોકોને લાંબી મુસાફરી દરમિયાન ચાર્જિંગની ચિંતા કરવાની જરૂર રહેશે નહીં. ચાલો વાહનની વિગતો પર એક નજર કરીએ.
આ કારની કિંમત કેટલી છે?
ચીની કંપનીનો દાવો છે કે G7 વિશ્વની સૌથી લાંબી રેન્જની SUV બની ગઈ છે. આ વાહનમાં 55.8 kWh બેટરી અને 60-લિટર ફ્યુઅલ ટાંકી છે. તેમાં એક નાનું પેટ્રોલ એન્જિન પણ છે જે કારને પાવર આપવાને બદલે બેટરી ચાર્જ કરે છે. કંપનીએ આ ગાડીને સસ્તા ભાવે લોન્ચ કરી છે. શરૂઆતની કિંમત આશરે $28,000 (આશરે 23.5 લાખ રૂપિયા) છે.
ટેકનોલોજી
આ મોડલ બેટરીને એક નાના પેટ્રોલ એન્જિન સાથે જોડે છે જે બેટરીને રિચાર્જ કરવા માટે જનરેટર તરીકે કામ કરે છે. આનાથી "રેન્જ એન્ઝાયટી" (પાવર ખતમ થઈ જવાની ચિંતા) દૂર થાય છે અને લાંબી મુસાફરી શક્ય બને છે.
કેટલી રેન્જ આપશે કાર?
આ SUV સાથે, કંપનીએ તેની P7+ સેડાન પણ રજૂ કરી છે. કારની રેન્જ 1,550 કિલોમીટર હોવાનો અંદાજ છે. તેની કિંમત $27,000 (આશરે રૂ. 22.6 લાખ) થી શરૂ થાય છે. ગયા વર્ષે Xpeng એ 429,000 થી વધુ યુનિટ વેચ્યા હતા, જે પાછલા વર્ષના વેચાણ કરતા બમણાથી વધુ છે.
Xpeng ફ્યૂચરિસ્ટિંગ ટેકનોલોજી પર પણ કામ કરી રહ્યું છે. કંપનીએ એક હ્યુમનોઇડ રોબોટ વિકસાવ્યો છે જે માણસની જેમ ફરે છે. આમાં અદ્યતન કૃત્રિમ બુદ્ધિનો ઉપયોગ કરવામાં આવ્યો છે. કંપનીના જણાવ્યા અનુસાર, 2028 થી 2038 ની વચ્ચે રોજિંદા જીવનમાં રોબોટ્સનો વ્યાપકપણે ઉપયોગ થશે. તમને જણાવી દઈએ કે, Xpeng નું વાર્ષિક શિપમેન્ટ 2025 માં બમણાથી વધુ વધીને 429,000 યુનિટ્સ પર પહોંચ્યું છે, જેનાથી તેણે તેના હરીફો નિયો (Nio) અને લિ ઓટો (Li Auto) ને પાછળ છોડી દીધા છે.
ટોપ સ્ટોરી
ટ્રેન્ડિંગ સમાચાર
