મહિન્દ્રાની નવી SUV ની ડિઝાઇન લીક; 360-ડિગ્રી કેમેરાથી હશે સજ્જ, મળશે દમદાર ફીચર્સ
મહિન્દ્રાની નવી Vision S SUV ની ડિઝાઇન લીક થઈ છે. આ સબ-4 મીટર SUV પેનોરેમિક સનરૂફ, 360-ડિગ્રી કેમેરા અને શક્તિશાળી પેટ્રોલ-ડીઝલ એન્જિન સાથે આવી શકે છે. ચાલો વિગતો જાણીએ.
Mahindra Vision S SUV: મહિન્દ્રા હાલમાં અનેક નવા મોડલ્સ પર કામ કરી રહી છે અને તેમાંથી એક છે આગામી Vision S SUV. અત્યાર સુધી કંપનીએ તેને સત્તાવાર રીતે માત્ર કોન્સેપ્ટ મોડલ તરીકે જ રજૂ કરી છે, પરંતુ હવે તેનું ટેસ્ટ મોડલ રસ્તાઓ પર જોવા મળ્યું છે. તાજેતરમાં સામે આવેલી તસવીરો પરથી સ્પષ્ટ સંકેત મળે છે કે આ SUV હવે પ્રોડક્શન વર્ઝનની ઘણી નજીક પહોંચી ગઈ છે. એવું માનવામાં આવે છે કે મહિન્દ્રા આ મોડલ દ્વારા સબ-4 મીટર SUV સેગમેન્ટમાં દમદાર એન્ટ્રી કરવાની તૈયારી કરી રહી છે.
કોન્સેપ્ટ જેવી જ બોક્સી અને રગ્ડ ડિઝાઇન
લીક થયેલી તસવીરો મુજબ, Vision S SUV ની ડિઝાઇન ઘણી ખરી કોન્સેપ્ટ મોડલ જેવી જ છે. તેમાં ગોળ હેડલાઇટ્સ, વર્ટિકલ સ્ટેક ગ્રિલ અને સીધો, બોક્સી લુક જોવા મળે છે, જે તેને એક મજબૂત SUV ની ઓળખ આપે છે. ફ્રન્ટ અને સાઇડ પ્રોફાઇલથી આ ગાડી લાઇફસ્ટાઇલ ઓફ-રોડર જેવી લાગે છે. ડીઝલ ફિલર પાસે આપવામાં આવેલું AdBlue રિફિલ કેપ એ વાતની પુષ્ટિ કરે છે કે તેમાં BS6 Phase-2 કમ્પ્લાયન્ટ ડીઝલ એન્જિન મળશે. ટેસ્ટિંગ મોડલના ઇન્ટિરિયરની ઝલકથી એ પણ સ્પષ્ટ થયું છે કે SUV માં ઓટોમેટિક ગિયરબોક્સનો વિકલ્પ મળશે.
પેનોરમિક સનરૂફ અને મોર્ડન ઇન્ટિરિયર ફીચર્સ
ઇન્ટિરિયરની વાત કરીએ તો, આ ટેસ્ટ મોડલમાં સ્ટાન્ડર્ડ મહિન્દ્રા સ્ટીયરિંગ વ્હીલ આપવામાં આવ્યું છે, જેના પર મલ્ટીફંક્શન કંટ્રોલ્સ ઉપલબ્ધ છે. તેમાં ફેબ્રિક સીટ્સ, ડિજિટલ ડ્રાઈવર ડિસ્પ્લે, કવર કરેલી ઇન્ફોટેનમેન્ટ સિસ્ટમ અને 60:40 સ્પ્લિટ રિયર સીટ્સ જોવા મળી છે. સૌથી ખાસ ફીચર પેનોરમિક ગ્લાસ સનરૂફ છે, જે આ સેગમેન્ટમાં SUV ને ઘણી પ્રીમિયમ બનાવી શકે છે. સાથે જ 360 ડિગ્રી કેમેરા મળવાની પણ સંભાવના વ્યક્ત કરવામાં આવી રહી છે.
NU IQ પ્લેટફોર્મ અને એન્જિન ઓપ્શન
મહિન્દ્રા Vision S ને નવા NU IQ પ્લેટફોર્મ પર તૈયાર કરવામાં આવી રહી છે, જે અલગ-અલગ પાવરટ્રેન અને બોડી સ્ટાઇલને સપોર્ટ કરે છે. આ પ્લેટફોર્મ બહેતર રાઈડ ક્વોલિટી માટે ફાઈવ-લિંક રિયર સસ્પેન્શન સાથે આવે છે. એન્જિન ઓપ્શનમાં પેટ્રોલ વર્ઝન માટે XUV 3XO વાળું 1.2 લિટર ટર્બો એન્જિન અને ડીઝલ વર્ઝન માટે 1.5 લિટર એન્જિન મળવાની અપેક્ષા છે.
ટોપ સ્ટોરી
ટ્રેન્ડિંગ સમાચાર
