72 કિમીની એવરેજ અને દમદાર ફીચર્સ સાથે માર્કેટમાં ધૂમ મચાવવા આવી રહ્યું છે નવું Splendor

Super Splendor XTEC 2.0: આ બાઇક 124.7cc સિંગલ-સિલિન્ડર, એર-કૂલ્ડ એન્જિનથી સજ્જ છે. આ એન્જિન આશરે 10.7 bhp પાવર અને 10.6 Nm ટોર્ક જનરેટ કરે છે. બાઇકમાં 5-સ્પીડ ગિયરબોક્સ છે.

હીરો સુપર સ્પ્લેન્ડર

Source : Hero MotoCorp

Show Quick Read

Key points generated by AI, verified by newsroom

• Super Splendor XTEC 2.0 ₹86,500 એક્સ-શોરૂમ કિંમતે લોન્ચ થઈ.
• બાઇક 72kmpl સુધીનો દાવો કરેલો માઇલેજ આપે છે.
• તેમાં બ્લૂટૂથ, કોલ એલર્ટ, USB ચાર્જિંગ પોર્ટ છે.
• 124.7cc એન્જિન, 10.7bhp પાવર, 5-સ્પીડ ગિયરબોક્સ.

Super Splendor XTEC 2.0:  જો તમે એવી બાઇકની શોધમાં હોવ જે શાનદાર માઈલેજ આપે અને મોર્ડન ફીચર્સ ઓફર કરે, તો Super Splendor XTEC 2.0 તમારા માટે શ્રેષ્ઠ ઓપ્શન હોઈ શકે છે. કંપનીએ પોતાની આ 125cc બાઇકનું નવું અપડેટેડ મોડેલ ભારતીય બજારમાં લોન્ચ કરી દીધું છે. નવી બાઇકમાં પહેલા કરતા વધુ આધુનિક ફીચર્સ, નવી ડિઝાઇન અને શ્રેષ્ઠ માઈલેજ આપવામાં આવ્યું છે. કંપનીનો દાવો છે કે આ બાઇક 72 કિલોમીટર પ્રતિ લિટર સુધીની માઈલેજ આપી શકે છે, જે આ સેગમેન્ટમાં ખૂબ જ શાનદાર માનવામાં આવે છે.

 

Hero MotoCorp એ આ નવી Super Splendor XTEC 2.0 ની શરૂઆતની એક્સ-શોરૂમ કિંમત 86,500 રૂપિયા રાખી છે. કંપનીનું કહેવું છે કે આ બાઇક ખાસ કરીને એવા લોકો માટે બનાવવામાં આવી છે જેઓ દરરોજ ઓફિસ, કોલેજ કે બિઝનેસના કામ માટે બાઇકનો ઉપયોગ કરે છે અને ઓછા ખર્ચમાં વધુ માઈલેજ ઈચ્છે છે.

એન્જિન અને પાવર

નવી Super Splendor XTEC 2.0 માં 124.7cc નું સિંગલ-સિલિન્ડર, એર-કૂલ્ડ એન્જિન આપવામાં આવ્યું છે. આ એન્જિન અંદાજે 10.7bhp નો પાવર અને 10.6Nm નો ટોર્ક જનરેટ કરે છે. બાઇકમાં 5-speed ગિયરબોક્સ મળે છે, જેનાથી શહેરમાં અને હાઈવે બંને જગ્યાએ સ્મૂધ રાઈડિંગનો અનુભવ મળે છે. કંપનીએ તેમાં Advanced Programmed Fuel Injection (APFI) અને i3S (Idle Stop-Start System) જેવી ટેકનોલોજી આપી છે, જેની મદદથી બાઇક વધુ સારી માઈલેજ આપી શકે છે.

બાઇક કેટલી માઈલેજ આપે છે?

આ બાઇકની સૌથી મોટી વિશેષતા તેનો 72kmpl સુધીનો દાવો કરાયેલ માઈલેજ છે. પેટ્રોલની વધતી કિંમતોના સમયમાં આ ફીચર મધ્યમ વર્ગ અને ડેઈલી કમ્યુટર રાઈડર્સ માટે ખૂબ જ ફાયદાકારક સાબિત થઈ શકે છે. જોકે, રિયલ લાઈફ માઈલેજ રસ્તા, ટ્રાફિક અને રાઈડિંગ સ્ટાઈલ પર નિર્ભર કરે છે. Splendor XTEC ને ડેઈલી યુઝ માટે સારો ઓપ્શન ગણાવવામાં આવ્યો છે, ખાસ કરીને એવા લોકો માટે જે ઓછા ખર્ચમાં ભરોસાપાત્ર બાઇક ઈચ્છે છે.

કેવા છે બાઇકના ફીચર્સ?

ફીચર્સની બાબતમાં પણ આ બાઇક હવે ઘણી અપડેટેડ થઈ ગઈ છે. તેમાં ફુલી ડિજિટલ ઇન્સ્ટ્રુમેન્ટ ક્લસ્ટર આપવામાં આવ્યું છે, જેમાં Bluetooth કનેક્ટિવિટી મળે છે. આની મદદથી રાઈડરને કોલ એલર્ટ, SMS નોટિફિકેશન, મિસ્ડ કોલ અને ફોન બેટરી જેવી જાણકારી સ્ક્રીન પર દેખાય છે. આ ઉપરાંત બાઇકમાં Real Time Mileage Indicator, Low Fuel Indicator અને USB Type-C ચાર્જિંગ પોર્ટ પણ આપવામાં આવ્યો છે, જેનાથી મુસાફરી દરમિયાન મોબાઈલ સરળતાથી ચાર્જ કરી શકાય છે.

આ પણ વાંચો

નવી કાર ખરીદવી છે? જાણી લો CNG, હાઇબ્રિડ કે પેટ્રોલ-ડીઝલમાંથી કઈ કાર સૌથી સસ્તી પડશે?

મધ્યમ વર્ગના પરિવારો માટે 2026 ની સૌથી બેસ્ટ કાર,  ઓછી ખર્ચમાં મળશે મોટો ફાયદો