Top Car Features India: એન્જિન નહીં હવે કાર ખરીદતા પહેલા આ 5 ફીચર્સ સૌથી વધુ જુએ છે ભારતીયો

Top Car Features India: એન્જિનની તાકાતનો જમાનો ગયો. જાણો 2026 માં ભારતીય કાર ખરીદદારો સનરૂફ, વેન્ટિલેટેડ સીટ્સ અને એડાસ (ADAS) જેવા કયા 5 ફીચર્સ જોઈને સૌથી વધુ ગાડીઓ ખરીદી રહ્યા છે.

કાર ફીચર્સ 2026

Source : social nedia

Show Quick Read

Key points generated by AI, verified by newsroom

• ભારતીય કાર ખરીદદારો હવે આરામ, સુરક્ષા, આધુનિક ટેકનોલોજીને પ્રાધાન્ય આપે છે.
• મોટા ટચસ્ક્રીન, પેનોરેમિક સનરૂફ, 360-કેમેરા, વાયરલેસ કનેક્ટિવિટીની માંગ વધી છે.
• 5-સ્ટાર સેફ્ટી રેટિંગ, ADAS, વેન્ટિલેટેડ સીટો લોકપ્રિય ફીચર્સ બન્યા છે.

Top Car Features India: ભારતમાં દરરોજ હજારો કાર વેચાય છે અને લોકો શોરૂમમાં જઈને હવે માત્ર એન્જિનનો પાવર જ નથી જોતા. જણાવી દઈએ કે, હવે એ જમાનો ગયો જ્યારે લોકો કાર ખરીદતી વખતે માત્ર તેના એન્જિનની પાવર, હોર્સપાવર કે પછી માઇલેજની વાત કરતા હતા. પરંતુ હવે ભારતીય કાર ખરીદદારો ઘણા બદલાઈ ચૂક્યા છે. કારણ કે, હવે લોકો શોરૂમમાં જઈને સેલ્સમેનને એન્જિનની તાકાત નથી પૂછતા પરંતુ એ જુએ છે કે ગાડીની અંદર બેસીને તેમને કેટલો આરામ, સેફ્ટી અને મોર્ડન ટેકનોલોજી મળવાની છે.

 

તમને જણાવી દઈએ કે, ગાડીઓના વધતા ભાવ અને બદલાતી લાઈફસ્ટાઈલના કારણે લોકો કેબિન એક્સપિરિયન્સને વધુ મહત્વ આપી રહ્યા છે. તો ચાલો જાણીએ કે 2026 માં ભારતીય ખરીદદારો એન્જિન કરતાં વધુ કયા 5 ફીચર્સ જોઈને કાર ઘરે લાવી રહ્યા છે.

વધ્યો સનરૂફનો ક્રેઝ
તમને જણાવી દઈએ કે, આજકાલની નવી કારોમાં મોટું ટચસ્ક્રીન ઇન્ફોટેનમેન્ટ અને ડિજિટલ ઇન્સ્ટ્રુમેન્ટ ક્લસ્ટરનું કોમ્બિનેશન સૌથી વધુ ડિમાન્ડમાં છે. આ સ્ક્રીન માત્ર નેવિગેશન અને મ્યુઝિકને સરળ નથી બનાવતી, પરંતુ કારને અંદરથી એક શાનદાર લુક પણ આપે છે.

જ્યારે આની સાથે જ પેનોરેમિક અને વોઇસ-આસિસ્ટ ટેડ સનરૂફ હવે મિડ-સાઇઝ એસયુવી (SUV) સેગમેન્ટમાં લગભગ જરૂરી ફીચર બની ચૂક્યું છે. લોકોને પોતાની કાર ખુલ્લી પસંદ આવી રહી છે તેથી સનરૂફ વાળી ગાડીઓનો ક્રેઝ વધ્યો છે.

5-સ્ટાર સેફ્ટી રેટિંગ પણ છે જરૂરી
ભારતમાં વધતા રોડ અકસ્માતોના કારણે હવે લોકો સડક સુરક્ષાને લઈને ખૂબ જ જાગૃત થઈ ચૂક્યા છે. કાર પસંદ કરતી વખતે ઓછામાં ઓછા 6 એરબેગ્સ, એબીએસ (ABS) અને ઇલેક્ટ્રોનિક સ્ટેબિલિટી કંટ્રોલ જેવી પાયાની વસ્તુઓ તો લોકો જુએ જ છે.

આ સિવાય હવે એડવાન્સ ડ્રાઈવર આસિસ્ટન્સ સિસ્ટમ (ADAS) એટલે કે એડેપ્ટિવ ક્રૂઝ કંટ્રોલ, ઓટોમેટિક ઇમરજન્સી બ્રેકિંગ અને લેન કીપ આસિસ્ટ જેવા ફીચર્સની માંગ ખૂબ વધી ગઈ છે. લોકો એવી ગાડીમાં પૈસા રોકવા માંગે છે જેને ક્રેશ ટેસ્ટમાં 5-સ્ટાર રેટિંગ મળ્યું હોય.

360-ડિગ્રી કેમેરાની સુવિધા
જણાવી દઈએ કે, આજકાલ મોટા શહેરોમાં ટ્રાફિક અને પાર્કિંગને લઈને ઘણી મુશ્કેલી પડે છે. જેના કારણે 360-ડિગ્રી કેમેરા ડ્રાઈવરો માટે એક મોટો વરદાન સાબિત થઈ રહ્યો છે. આની મદદથી આસપાસનો દરેક નાનો અવરોધ સ્ક્રીન પર સ્પષ્ટ દેખાઈ જાય છે.

જેનાથી ગાડીમાં સ્ક્રેચ લાગવાનો ડર ખતમ થઈ જાય છે. આની સાથે જ વાયરલેસ એન્ડ્રોઇડ ઓટો અને એપલ કારપ્લેની સુવિધા પણ લોકો ખૂબ જ પસંદ કરી રહ્યા છે. આ હોવાને કારણે કેબિનમાં તારોની ઝંઝટ ખતમ થઈ જાય છે અને ફોન ખિસ્સામાં રાખેલો હોવા છતાં કારની મોટી સ્ક્રીન સાથે કનેક્ટ થઈ જાય છે.

વેન્ટિલેટેડ સીટ્સ પણ છે લોકોની પસંદ
આપણા દેશમાં ભીષણ ગરમીને જોતા હવે વેન્ટિલેટેડ સીટ્સ કાર ખરીદદારોની સૌથી મનપસંદ યાદીમાં સામેલ થઈ ચૂકી છે. પહેલા આ ફીચર માત્ર મોંઘી ગાડીઓમાં જ જોવા મળતું હતું. પરંતુ હવે ટાટા નેક્સોન, હ્યુન્ડાઈ ક્રેટા અને કિયા સેલ્ટોસ જેવી કારોના હાયર વેરિઅન્ટ્સમાં પણ સરળતાથી મળી રહ્યું છે. લાંબી મુસાફરીના સફરમાં જ્યારે પીઠ અને શરીરને આ સીટ્સ દ્વારા ઠંડી હવા મળે છે, ત્યારે ડ્રાઈવર અને પેસેન્જરનો થાક બિલકુલ અડધો થઈ જાય છે.

આ પણ વાંચો

પેટ્રોલ કેટલું એથનોલ મિશ્રિત છે? આ સરળ રીતોથી જાતે જ કરો તપાસ, નહીં તો એન્જિનને થઈ શકે નુકસાન

Flex Fuel: કેવી રીતે કામ કરે છે ફ્લેક્સ ફ્યૂઅલ ટેકનોલોજી, શું આ CNG થી પણ ઓછું કરે છે પ્રદૂષણ ?